ثــــوب الفـــقر والمـحبوب ؟؟؟؟؟

	بســـــم الله الرحمن الرحيم الحمد لله على كل حال فهو يعطي من يريد ويحرم من يريد ويمكن الله حرمني شي بس عوضني بشي اكبر ؟؟؟؟؟؟ اخليكم مع هالقصيده وعساها تنال إعجابكم

فصــلت ... من خــبة الـفقر لي ثــوب = خامه متين وخشن ماضن برمــــيه
ثوب(ن) قصيف اكتاف عالصدر مكــروب =قبـته قصـيره خانـقه عنيـق راعــيه
كـمـه مغـطي الـيد لاتـنـبسط صــــوب =فـعل الـكرم والجود او شـي باغـــيه
درزه عـريضـه فـوق فـتحات الجـيــوب=و جيـب الصـدر يابــدر ماني بلاقــــيه
من يـوم شفت النور وابـوي مطـــلوب = دايـم .... يــقول الـدين لازم تـوفــيه
الـمال ديـن ... وديـن بـرقـبـتي انـــوب = لشخص "عطاني قلبه وقال ما ابيه
من قبل ست سنين هو لي محــبوب= وقبـل ست سنـين مـاني بـواعــيه
واحـد مـلعبـن حـرك و عـنده اســـلوب = خـلى حواس الست تفتل حوالــيه
وجـدي عـليهم وجد من ضيع الــدروب =وشـعف الحجار الصم تأكل حوافـيه
مـاشي بـعز الضـهر والشوب لاهـــوب= ضـميان ... ومحـدد يدينه ورجـلــيه
لقـى دريـب الـزين و بـضهير عــرقــوب = مـتوكد(ن) يلقـى حـبيبـه يحتـــريه
متـوكل" بالله ... ويصـدف لـه كــــذوب = قــال: الخـلف خـلــك ولـيده يبــاريه
حـده زمانن شين و الوقت غاصــــوب = يــالله ... رووف بـحالنا مـن بـــلاويه
تـتني غـدى ذكراه والـيأس مشــروب =نار" بوسط الجوف والشوق كـــاويه
كـنه مشـعط القلب باشـواك كـــعوب= دمي اختلط بالـدم خـابت هـقـاويه
الــله يبـلا ابـوه فـي حـب غــرشـوب =بـبشع عـذاب الـحب يــالله تـجــزيه
يومه حرمني الترف بو طرف رعـبـوب=خبروا ... وعلموه الذي كان خافــيه
خبروا على المحبوب الدمع مسكوب=بحبـر العـيون اخـط لـه مـنه وعلـيه
خبروا على المحبوب بداخلي حروب=مشـاعـري تحـتل عـقـلي مــبـاديه
خبروا على المحبوب والـجاه مـلعوب = مـن فـم اذناب البـشر من عــوانيه
خبروا على المحبوب القلب مصيـوب =والله.... لـو مـوتـي فـلاني مـخلـيه
خبروا على المحبوب العقـل مسلوب =ادري فقير" بـس بـعـيوني اشــريه
خبروا على المحبوب مـامـنه متـعوب= تعــبت من غـيره و ربـعه و اهـالـيه
خبروا على المحبوب و بـصـوتـه اذوب = حتـى الحـكي يـابـدر كـنه يــغنــيه
خبروا على المحبوب والحـال مـقلوب = بـكره تـصح الـحال ونــشوف تـالـيه
خبروا على المحبوب حــزات الــغروب= عله يـجي باللـيل واسمع حـكاويه
خبروا على المحبوب بـالدم مـكـتوب= خـمسة حروف" مـحيها صار بيـديه
خبروا على المحبوب عن غيره اتوب= امـا الـغــلا ..... ولا قبـري بـســويه
الناس حطوا بـي .. وما فـي عـذروب= ان انـحنى راسـي بـمـوتي اعلــيه
يـامـدور الزلات ..... لاتـصـير مـكلـوب=حـلال عـالشاطر وعـالرجـل النـبــيه
تـتعب رفيقي ... حيل لاتـدور عـيوب = انا بن جذيان يـاهيه يـاهيه يـاهـيه
بختم قـصيدي الحين لاصير مسبوب =ويفهم كلامي عكس ماكنت راجـيه

وعساها تكون نالت إعجابكم وتقبلوا مني كل الاحترام والتقدير

	رعــــــــــ الجذيان ـــــــــــد