خطوا رجل يقضي الزومه وينساك

ياخليف لاتشكي من احوال دنياك=كل من طلع له صيت تكثر خصومه
ابعد عن اللي مايجي حول مبداك=وخل الردي في هرجته لاتلومه
خطوا رجل يقضي لزومه وينساك=مايذكرك ياكود ساعة لزومه
لو كان ماله حاجةٍ فيك ماجاك=ولولا المصالح ماتسرك علومه
وخطوا رجل بين المخاليق يشناك=هرج القفا يتعب عليه ويرومه
ياخذ سوالف ذاك ويودي لذاك=دابٍ بوسط الكاس ينثر سمــومه
وخطوا رجل قبل يعرفك يتبلاك=على عماها مرسلٍ لك سهومه
ياكثر من قام يتصيّد خطاياك=ناسٍ تدور في كلامك اثلومه
يامسندي خلك على نفس ممشاك=مثلك يموت ولاتردت عـزومه

اخوكم موسى المشعان