في مخيم شفرون في العجمان منقوله للشميلاني موسى

في ال عنقان من العجمان وهذه بعض القصيده كانت في الجبيل الصناعيه والرجال خبركم بلشااااااااااااااان هههههه

لبيت بعض الوقت في قدرالامكان=بمناسبة حفل جمعتنا على الخير

حيث ان مشاركتي درات الاثمان=مثايلٍ تأثر على البيت تأثير
لقطهن الهامي ودرن باللحان=واملن على الاصغاء كل حسن تعبير
فيهن جزيلات تفجر بالاحسان=راحن تقل خفرات يردن على البير
لاعودن خلن بالارجاء وجدان=تلامس احساس وتفاعل جماهير
ماصغتهن الا على صهلة حصان=ووجهتهن في حل قومن مناعير
بملي المعزه الغلاء زاد مليان=والشوق مكنون العهد سر في بير
اطلق عنان القاف والحقه من شان=اوقف على راس السطر واظبط السير
يااااكون وجهني على ماض الازمان=با شوف فعلن مو روايه واساطير
قبيلةٍ باقي على العهد ماكان=رغم اختلاف الوضع واحوال تطوير
تحدرت من يام مرفوعة الشااااان=مافوقها الا الله والي المقادير
سلايل كحيلان بالاصل عجمان=روس الرجال اللي تفجر سعاطير
تاريخهم مايجتمع وسط ديوان=وبافعالهم مالوم حبر وطباشير
الليل زكى والقمر شاهداعيان=والعلم مايحتاج لوح ومسامير
شوهد حمم باطراف دخان بركان=عبر الفضاء من فوقهم تم تصوير
لادكت الاركان يتلون راكان=شيخٍ اليا عدوا كبار المشاهير
رايه سديد وحكمتن فيه نيشان=اليا غدا بالشور شوار ومشير
قائد جيوش وشيخ قوم وميدان=يوم اللقاء لافرعن القنادير
تقدم الفرسان ورجال شجعان=يشتت صفوف ويخلخل طوابير
نعم بكم شيمه وقيمه وبدوان= يسعد بكم هلي عليكم مسايير
هذا وان ماقول بالغير نقصان=كل القبايل عز من دون تقصير
لاشك لي في يام احقوق الاخوان=تدفعني الاشواق وانساق واسير
واليوم كل الخير بالحال والان=في ضل حكام العرب كلن بخير
الكل منا صاحب حقوق الانســان= وصرنا مثل مابعض يفرق عن الغير


الله يديمك ياملك ذخرالاوطان=فوق الولاء اجلال والنوب تقدير
تمت بيوت العنزي نسل ويلان=قومن عطاها الله متون سواطير
حبيت ابارك واتشرف بعرفان=وارجو الكريم انه يتمم على خير