هذا جلالك وريحك وريحك في عبيره

السلام عليكم ورحمة الله وبركاته

احدى القصائد

عن الأم مرثيه

أعجبتني حيل حيل

أترككم مع القصيده المنشده:




&feature=related" HEIGHT="350" WIDTH=400" AUTOSTART="false" AllowScriptAccess="never" nojava="true">



القلب يحزن والمدامع غزيره
في جوف نارٍ من لهبها تباكيت

والدار ظلمه كانت امي تنيره
يايمه وينك من دونك خلى البيت

قلبي تفطر على الفرقى المريره
أمنت بالله وبقداره تراضيت

الموت حق وكل له مصيره
وبموت النبي قبلك يايمه تعزيت

هذا جلالك وريحك في عبيره
كل يوم اشمه وليا شفته تهنيت

صوتك يايمه يامحلى اثيره
وحنانك يمه يخليني تدفيت

يايمه منهو اجيله واستشيره
يعدلني لا شفت الصواب وتنحيت

يوم كنت عندي وكني امير ديره
كل يناديني يقولي تغليت

يوم رحتي يمه وكني في جزيره
وحيدٍ فيها عن الناس تواريت

أجي دويخ في وقت الظهيره
محد سال عني يقولي تغديت

وأبيت ليلي وعيوني سهيره
وكم الليالي نايم ماتعشيت

ظروفٍ يمه تواجهني عسيره
الشكوى لله بظروفي تعنيت

ياكم تعلمت من معانٍي غزيره
يامنهل التعليم منك تربيت

كم قصة قلتي للماضي نسيره
ولا جيت عندك بسواليفك تسليت

آآه يا يمه لنظراتي الاخيره
مليت كفي تراب ثم حثيت

أبشري يمه بدعوات كثيره
كلما ذكرتك وللرحمن صليت



لكم ودي