رررد على موضوع

وازيت موضوع القصيده وبك جور=على المعاني نقوتك مهي لهناك
جزيتها بالمدح لاهنت مشكور=على الجهودالله بالخير يجزاك
و(.....) غني العرف وافي ومخبور=له كوكبن بين المجره والافلاك
ابوه كساب الثناء شامخ الطور=زيزوم حلال الشكيلات صكاك
بالطيب والنوماس والعز له دور=مشكاك وان دار الرحاء داك فتاك
ارجي عساه بجنة الخلد مسرور=يالله ياسامع رجاء من ترجاك
تجعل لابو (......) بساتين وقصور=وتظله بظلك وتقبله بحماك
غير انت شفتك شاعرٍ مابك شعور=متلعثمن تمشي تخبط على عماك
ابي اغض الطرف واقول معذور=وشفت انهيار الشعر مثلك وشرواك
وقاف الضماير جاك يفزع على الفور=ابك انت واقف ليه ماتنهزم جاك
جاك اللذي يادوبه مكيف الكور= متغندل الفنجال شراب تنباك
زقارته لامزها تقطع الزور=وان كنها كن المتيم على ذاك
يجلب لك الجزلات رايات بلور=متماريات الحسن والقاف من راك
يبني قوي البيت والبيت معمور=علمن يجيك وياصلك ويتعداك
والشعر مو وقفت منابر وجمهور=له دربكه وصياح وصراخ ودباك
الشعر فوح النابغه ابن دافور=يعجبك منطوقه وتفهمه بدراك
والله يالون الشعر يطبخ بالقدور= (ياحصتك بالزاويه تاكل حكاك )