ديوان الشاعرة العمانية هجير ؟!!

	الشاعرة هجير قصيدة صوت و صدى الصوت الابيات كانت مني سلام لك باعداد ما قاف ٍ تضوع قافي تسري له الاطيار في روض ٍ زها بوصوفه بإعداد ما قد لاح للساري مع الخّطافي هبايب الذنّان ,, و الموجه تلم اطهوفه ترشف زلال الغيم , همال على مسهافي حتى تشّرق نبت في قفر ٍ رشف من جوفه أسدلت جفن الصبح في نعس النواظر غافي أو كنها يا صاح ب شياح الضيا موروفه أمد لي بالشوف لك خبر ٍ جزيل ٍ شافي صوب الذي يقراه في طرس العنا و صروفه فيه العنا مأخوذ من ظلما رسوم ارهافي أسرفت في طاريه لو يوصل كثير شفوفه غنى على ليلاه , خفاق ٍ و هو متجافي يضفي على المكنون و أنفاس الصبر مكلوفه خود الحبر يا ليل ، تتسّند طعون الخافي شباكها المهجور ,, و احساس ٍ يجر طيوفه سهادها لو طال , قنديل السهر بك ضافي سردية الديجور تقراها , قبل ما تشوفه ليل ٍ غفى راويه , يوم ان الحلوم عجافي ما بل ريق الهجس من فرط الجفا و يطوفه مصّفره الاوراق , و جفاف الثرى بأطرافي شفت الحنايا شلون تتلهف و هي مشغوفه ؟ شفت الغصون شلون تذوي من لهيب شغافي ؟ و شلون هذا الشوق يتوجس غلا ملهوفه ؟ يوم استمد الوجد من هاجس بليا انصافي و اللي استمد الخوف من هجر ٍ عزاه بخوفه أقعد مع الافكار ,,, وألقاني جمعت منافي و أرحل بليا هم ,,, و ألقاه المتاه يلوفه ما كن هذا البين و شتات المظامي لحافي ما كنها الافكار في صدر الوهن مرضوفه جيتك , و بعض القيل يتثاقل على الاكتافي يا من له المنثور و قطاف الشعر و حروفه أعذب من الأنسام لي فوق الغدير الصافي و أنضر من الريحان يتثنى ب طيب اطروفه جيتك , و كن ضفاف ه الخافق ما هي بضفافي لين انكسر بي ليل , و دموع الشقا ماغوفه الصدى رد الشاعرة بشرى الحضرمي : يا مرحبا بإعداد هملول الغدير الصافي تنبت به الاشجار من عقب المحل و عجوفه صحيت فيني جرح في وسط الظماير خافي أظهرت لي يا زين من مر الحقيقه نشوفه عزاه , يا قلبن تعنى بالوصل لهافي و أنا سهيرة ليل ,, أترقب تلايا نكوفه إذا بغيت الصدق , اقنع و العذر هو شافي ان تقتنع بالعذر ,, لو ياكم بدون حلوفه القلب ما يعرف يداري للشكوك خلافي لين انغرس بالقلب اطعونن بحد سيوفه أصبر لجرحك لو غدا دامي و هو نزافي كفكف دموع الشوق من عقب الشقا و جحوفه مديت لي طرسك و أنا خبر الجواب الوافي من يوم غاب اللي من دونه الفرح نعوفه ما بل ريق الصبر من ترف المشاعر غافي يوم أستمد الصبر في وسط الضمير نشوفه طبطب على ذكراه , و أسري به درب لطيافي معصوبة ٍ عيناك لا بين الشتات و خوفه ما غير انا يا صاح أردد بالشعر والقافي و الموج يجرف في مواني الحزن شي يطوفه