الحب يالخاين تراني نسيته

ماعاد لك في خاطري اي طـاري
والحب يالخاين ترانـي نسيتـه

أبشـرك ببعـد أنـا بأختيـاري
وحبك ترى ما عاد بالبيت بيتـه

ياللي غرامك كـان ظلـي وداري
والجرح لجل عيون حبك رضيته

ياما غلطتي واسبقك بأعتـذاري
وياما تعبت اليـن حبـك بنيتـه

وياما عشانك طال ليل انتظـاري
والدمع ياما من عيونـي بكيتـه

وأثرك تدور موتتـي وانتحـاري
تطعن فظهري لين جرحي دميتـه

ياقلب ياطيبـك ولا كنـت داري
هذا الذي ايـام عمـرك عطيتـه

باعك بلاش وتحسبه كان شاري
وانت الذي بالعمر بعت وشريتـه

ياللي غرامك صار ليلي ونهاري
وكل الذي عنك نصحني عصيتـه

أثاري انك منـت هيـن أثـاري
وانا احسب اني كل حبك خذيتـه

ولعت في وسط المعاليـق نـاري
وانا الذي درب العنا لك مشيتـه

حسبي عليك ان كان تبغى دماري
ياللي رسمتك عشق صدق ووفيته

خلاص برحل عنك هذا قـراري
حبك على الحبلين وانـا وطيتـه

منقولة

تحيــــاتيـ