من اختيارات بدر الشمال

ياحبيبي دخيلك بالغلا مستجير

والله الحال من فرقاك باقي عليل

لاتكسر جناح الطير وتقول طير

كيف يصبح عزيز من هواكم ذليل

انظر البحر وتخيله مثل الغدير

مابيروي شراب البحر ضامي قتيل

نظرة من عيونك شئ عندي كثير

وان عطيتك عيوني شفتها شئ قليل

بين وصلك وهجرانك غني وفقير

كل ماقلت زان البخت عود يميل

ودي اصير لك فارس وشاعر وامير

من خيالي وآمالي وفكري هبيل

ياهناي وشقاي انت في الناس غير

من رميته بسهمك مايدور بديل

ياعذابي ترفق عشت برد وهجير

خذ من الحِمل عني حملي اصبح ثقيل

قلت برتاح وواصل رحال ومسير

مايهم العناء والدرب لوهو طويل

يانهاية مطافي جعل دنياك خير

ما يغيرجنون الدهر وافي اصيل