النفس كتلة ضعـف والجـرح سفـاح

لقلوبكم أزكى العبارات
أترك لكم هالقصيده الرائعه




النفس كتلة ضعـف والجـرح سفـاح
والوقـت رحلـة عمـر مافيـه راحـه


والصبر نـوع سـلاح مامثلـه سـلاح
والصمت نوع مـن الوفـا والسماحـه


والليـل لـو مازهـب خيـول ورمـاح
يكفي سـواده عـن مقابـض رماحـه


واذا الظـلام اظـلام فالصبـح وضـاح
يكفيـك عـن تفسيـر مابـه صباحـه


لـو ماهـواه يداعبـه غصـن تفـاح
شمسـه تحكـم فـي عوامـل لقاحـه


ارقص ياطير الغصن واحصـد يافـلاح
ابعد يـاداب وخل عنـك الوقاحـه


وارتاح ياراسـي عسـى دوم مرتـاح
الله يجنـبـك الــردا والاطـاحــه


وان كان قدرك فـاح قـل مابعـد فـاح
وافرش لهم من صادق الشعـر واحـه


هـذا خيـالً يبتسـم لـك وذا ســاح
وذا جبـل يسمـو وذا نبـت بـاحـه


والحكي لو ماجاب مـن شـي مـاراح
والعقل مثـل البـرج والـراس ساحـه


والعين بحرً شـرس والرمـش سبـاح
والصدر ينبّي عـن مافيـه انشراحـه


نح ياحمام وخذ صدى صوت من نـاح
نح ياعسـى فرخـك يحـرك جناحـه


وانـا بخيـل البـرق لـو مابعـد لاح
واعيش ليلـي حـر واتـرك وشاحـه


واجر صـوتً نبرتـه حـزن وافـراح
يشبه لنطق الجوهـري فـي صحاحـه


كنت احسّب ان الموت هو موت الارواح
بس الصحيح الموت مـوت الصراحـه

,,,,,,,,,,,,,,,,,,,,,,,


راقت لي فنقلتها لكم...

دمتم بخير ...

خيال انثى