من اختيارات بدر الشمال

.@.ˆ~¤®§][©][لمس الكفوف][©][§®¤~ˆ


************************


الحقيقة ما على الدنيا عتب *** لا تجاملني وأنا عيني تشوف


أبتعد ما بيك لا تبدي سبب *** القصيدة تعشق إبداع الحروف


الحياة أحزان والغربة تعب *** والليالي كلها دمعة وخوف


النظر يكفيك والخافي غضب ***والشقا مكتوب مع وقتي يطوف


يا حبيبي : النار يشعلها حطب*** لا تزيد الجرح ما عندي نكوف


من عطش بالحب من قلبي شرب*** والموادع يحتري لمس الكفوف


كل من حبيت في حبه رسب *** النتيجة تشكي أحوال الظروف


القلوب بوقتنا تهوي كذب *** والصدق يموت من طعن السيوف


الحقيقة ما على الدنيا عتب *** وكل منا في نظر عينه يشوف

 

 

 

 

.@.ˆ~¤®§][©][مأساة شاعر][©][§®¤~ˆ

ابكتب احساسي على صفحة الياس@@مأساة شاعر حطمته الليالي


الحبر دمعي والمناديل قرطاس @@كتبتها تعبير عن ما جرالي


الشعر يكتب من معناة وإحساس @@جوابي المعهود أول وتالي


ياميم احبك حب من دون مقياس @@حبك مخلد للأبد ما يزالي


انت الوحيد اللي اوده من الناس @@وانت العزيز اللي على القلب غالي


لاغبت عني يومٍ أعلنت الأفلاس @@بعدك رصيدي يا منى النفس خالي


تمشي شرف ما دست في درب الأدناس@@لك منزلٍ بين النجوم العوالي


يزها عليك من الذهب خاتم الماس@@ يزها جمالك والدلع والدلالي


أبكتب احساسي على صفحة الياس @@عساك تفهم ما يدور بخيالي

 

 

 

 

).@.ˆ~¤®§][©][ياحبيبي.][©][§®¤~ˆ



************************************************** *************


يا حبيبي فيك ظني ما يخيب @@ لو حصل من بيننا صد وجفا


شمس حبك في عيوني ما تغيب@@ وفي حنانك يا بعد عمري وفاء


فيك معنى الحب يا روحي يطيب@@ صادق شوقك وشوقي صفا


لو تروح بعيد من قلبي قريب @@ في غرامك هام قلبي واكتفاء


في غيابك مشتعل مثل اللهيب @@ومن عرفتك شوق قلبي ما طفاء


صدق إني وافي يا أغلى حبيب @@ صادق ما فيه مثلي بالوفاء

 

 

 

 

بسم الله الرحمن الرحيم
السلام عليكم ورحمة الله وبركاته00 هذي ابيات اعجبتني
بس للاسف ماعرفت كاتبها اتمنى تنال اعجابكم0000

يغنيك عن كثر الحكي مجمل ابيات
ومن ياخذ المضمون يلقى الادلّه

تدري وش الي يقتل الحب بسكات
لاصرت في بوحك تحس بمذلّه

وتدري وش الي يكسر الظهر حزات
لامن عطيت احساس ماهو محلّه

وتدري متى تستاهل الطعن مرات
لا من خطيت الدرب وانت تدلّه

لاتتبع المقفي على كل حالات
بعض الوجيه الي تقابلك علّه

ولا تسأل الغالي عن الجرح لافات
نبش الحكي يزود الطين بله

طالع في من حولك وتاخذ شهادات
مانلتها لو تدرس العمر كلّه

ناس تجر من سود الضيق ونّات
وناس تقضيها وناسه وفلّه

هذاك شال هموم غيره ولابات
وهذاك مايدري عن احساس خلّه

احدن يهين اصله على كل زلات
واحدن ترومه شيمته ماتذلّه

لا تقول حظي من عنا الوقت قد مات
قل مات حظي اللي عناه استحلّه

ولا ضاقت الدنيا و عالكيف ماجات
اطلق احجاجك ثم توكل على الله.

 

 

 

 

يا اغلى من الغلاء يانور منك النـور ياخـذ نـور
ياذات الحسن ياللي عظم حسنـك فـاق تعبيـري
يا ريحانه يارمانـه ياعقـد مـن الدلـع منثـور
ياوجه البدر يا اجمـل حـب يالـذت مقادريـري
يا ريح المسك واليشموم والكـادي ونفـح زهـور
ياعـزف البلبـل الشـادي ويالحـن العصافيـري
يا روح العطر يا همس المطر يا اجمل ورود الجور
يانسمة صبح سـاق لخافقـي حلـو التباشيـري
ويابلسم جروح الخافق اللي مـن زمـن مكسـور
وياللي نالـت اعجابـي وحـازت كـل تقديـري
تفوقتي علـى كـل الجمـال اللـي لنـا مذكـور
وانا من قبل اشوفـك ماخطـر مثلـك فتصويـري
جرفتيني وصرت العاشـق المتغطـرس المغـرور
بعد ذاك التواضع صـار حكيـي مـن مناخيـري
انا اعز اصدقايه قال لـي درب الهـوى محظـور
وقلت اقـول حـل وقـول هـذا لواحـد غيـري
بعد ما انتي ملكتيني وصـرت المنهـي المامـور
اجي واروح مااهنا غيـر وانـا فـي مشاويـري
انا ابغى حبنـا فالسـر يبقـى لونعيـش دهـور
ابـي قصـة هوانـا بيـن تفكيـرك وتفكـيـري
عليـك الله وامانـه لايبيـن الخافـي المستـور
ترى والله كثيـر مـن البشـر يبغـون تدميـري

 

 

 

 

((((((((عتاااااب العين ))))))))

وش فيـش ياعينـي بدمـعـش تهلـيـن
وانــا عـلـي ماهـبـت ســود اللـيـالـي
قولـي وش اللـي عذبـش يـوم تبكيـن
قالـت يـابـن الاجــواد خلـنـي لحـالـي
قلـت السبـب ذلحيـن ماهـوب بعديـن
شوفـي الدَمـع ياعيـن لاسـال غـالـي
ردي عـلـيـش الله يــــأم الحـجـاجـيـن
والا تـبـيـن الـيــوم كــثــرت ســؤالــي
قالت طلـوع الدمـع مـن محجـر العيـن
يـفـك ضـيـق الـصـدر ويصـيـر سـالــي
وانــا بكـيـت الـيـوم مــن هــم ثنـتـيـن
مـادام تسألـنـي مــن الـلـي جـرالـي
الاولـــه مـلـيـت مـــن غـيـبـة الــزيــن
وطـيـفـهـا مــايــوم فــــارق خـيــالــي
والثـانـيـه نــجــران وفـراقـهــا شــيــن
قـد شاقـنـي مـرقـاب صــم الجبـالـي
قلـت العـذر ياعيـن مـانـي بمسكـيـن
لـكــن دروب الـحــب مـاهــي تـبـالـي
مـن بعدهـا عرفـت وش فيـش تبكيـن
ياليتـنـي قــد مــت يمـكـن اشـلالــي
وانـــا بـــرد الـقــول وآون مــــن بــيــن
ذيـك الظلـوع العـوج مـن جـور حـالـي
ياعين ويلش لي دريـت انْـش تنسيـن
والا دريـــت انَـــش تـذوقـيـن حــالــي
مابغاش تالي الليل في النوم تسلين
لـب الشعـر ياعـيـن هــو راس مـالـي
سبـعـة بـحـورٍ غصتـهـا ايــام وسنـيـن
وامــا معـانـي الـحـزن فيـهـا حـلالــي
ماللفـرح فــي مـركـب الـحـب تعيـيـن
شـفـت الـحــزن يـاعـيـن اول وتـالــي
لـكـن لاجــاو الـنــاس لاعـــاد تبـكـيـن
هـلـي صمـيـم الـدمـع وآنـــا لـحـالـي
والخـاتـمـه يـاعـيـن خـلـيـش تــدريــن
وانــا عـلـي ماهـبـت ســود اللـيـالـي
ابكي وانا اخو الاسلم ماني بمسكين
وان كـان عـمـي قــرم بـعـذر خـوالـي
ومهمـا قسيـت اليـوم عليـش ياعـيـن
تبقـيـن انـتـي العـيـن والـدمـع غـالـي

((((علي بن خرصان ))))

 

 

 

 

لبيـه والتـرحـاب مــن نـشـوة التـيـه
دامـك هـدى إنسـان فـي دنيتـه تـاه
مابيـن زيـف الـوقـت والـهـم بوجـيـه
كرامـتـه صـبـره ولــه هقـوتـه جـــاه
هــادي وردد إيــه يــا غربـتـي إيـــه
قانـع وصـابـر فلسـفـة سـطـوة الآه
فجأه يناديني بعـض هاجسـي هيـه
وأستـدرك الواقـع وأنـادي لــك بـهـاه
للـحـزن تـاريـخ وجـمــودك دواعـيــه
وبرق الدموع الهرم بسفوحي إدعـاه
ينخاك من هو ضـاق والدمـع مرخيـه
خصمـه خيالـه والوسـاويـس تنـخـاه
يامـا ويامـا كنـت فــي نظـرتـك بـيـه
وأحلـى تـرف حـب" تحضنـك باصبـاه
متـأمـر" متعـجـرف" ماسـمـع : لـيـه
دام الـولـيـف لـعــرش خـافـيــه ولاه
يومك دواعي كـل مـا يصطفـق فيـه
وأيـضــا بـقـايـا لـــذة الـنـبـره بــفــاه
كـنـت انجـدابـه للسـهـر والمشـاريـه
وهاجـس ونبـرة حلـم" أبكـاه وأغـراه
واستغفر الله يمكـن أغلـب معاصيـه
وذيــك احتـمـالات" تـوديـه لأقـصــاه
وشبـك تضيمـه يابـعـد ماابتـدع..ويـه
ياكيـف تدمـي الوجـد وتـقـول تـهـواه
ضميت لك طيف" مـن العـام صاحيـه
مـا غيـره المجـنـون ســواه وأوحــاه
إن كنـت مهـمـل هالتـوجـد وناسـيـه
هـاك التأمـل فـي تفاصـيـل مـأسـاه
نـص" تلعـثـم بالقراطـيـس منشـيـه
شـاعـر مظـنـات المقابـيـل تـغـشـاه
إستـعـذبـه حـلــل جـزالــة معـانـيـه
وإنقـد ودقــق فــي تراكـيـب مبـنـاه
حـتـى يـحـس الـوجـد ويــاك بالتـيـه
وينهي بشوفك صمت في عالمه تاه


الشاعر :هلال بن مزعل بن هليل الدهمشي العنزي
جامعة الحدود الشمالية - عرعر - السعودية

 

 

 

 

تـوك تجـين تقـدميـن المـعاذير // توك عرفتي (قيمتي) وأعتباري

تـوك بعد ما طاب كيفك مع الغير // توك تعيدين النظر بـ أختياري

تـوك تلوميـن الـزمـن والمقـادير // تـوك تبين الـوقـت يرجـع أجباري

تـوك تجـي لى بـعـد ذيك المشـاوير // تـوك تبيـن أتشاركيني مساري

ويـنك‍! من أول يوم أشوف التعازير // يـوم أشتكي لك لوعتـي وأنهيـاري

يتومي على شـوفتك أسـوق التباشير // وأفـرح أليا جالك مع الناس طاري

يـوم أخبّـرك عن حالتي بـ التعابير // وأنتى ولا هـمك مزيـد أنكسـاري

وهالحين يوم أقفـتْ ليالي المعاسير // وربي فرج كربي وعلا وقاري

وزانـت حياتي بـ الهنـا والتياسير // وبعـد العنا والكـود هـْديـت أفكاري

ولقيـت اللى لى عندها كل تقـدير // اللى على (عهـد المـوّده أتداري)؟

اللى غنتنـي عن جميـع الغنـادير // أفـخر بها وهي تفتخـر بـ أفتخاري

هـذا انا هالحين شرحٍ وتفسيـر // عـايش فى قمة راحتي وأزدهاري

وهـذي هي أنتى تجـذبيـن التحـاسير // وبعد التعـالي تنشرين العباري

وشـ عاد لو عـذرك مع ألف تبرير // وشـ عاد لو دمعك على الخـد جاري

فـات الأوان؟؟ وعلى درب مسـافـير // (رووووحي وتبقي الكرامه شعـاري)

للشاعر / هزاع بن زيدان العنزي

 

 

 

 

أنا من عشاق الشعر لانه ترجمة للمشاعر الرقيقة وكم تمنيت ان اكون شاعرآ لكي اروي شغفي بالشعر وهنا جمعت بعض من القصائد والبيوت الجميله لأضعها هنا لتصبح المرسى الذي يجمعكم بأن تذكروني بعد رحيلي اذكروني كلما لاح لكم ان تنسوني ============== ============== طيرك اللي كان ملكك مستحيل انه يرد=انقطع سبقه برجله بالعلا حرا يطـير كم تحمل في غرامك كم تعذب كم صمد=كم تضحى لجل تبقى في حياته له عشير ماعلى مثلك حسوفه ياصفرتحت العدد=انتهى زيف المشاعر والكذب حبله قصير ============= ============= انا ماهمت بك عاقل اناكنت اعشقك بخبال =اناماكنت احبك حي اناكنت اعشقك هـــــالك تخيل من كثر ماخاف تلقى لزعل مدخال=اخاف اخطي على طيفك وادوس برجلي ظلالك =============== =============== رأيت الهلال ووجه الحبيب فكانا هلالين عند النظر= فلم أدري من حيرتي فيهما هلال السما من هلال البشر فلولا التورد في الوجنتين وما راعني من سواد الشعر=لكنت أظن الهلال الحبيب و كنت أظن الحبيب القمر ================= ================= كتبت إليك بماء الجفون وقلبي بماء الهوى مشرب=فكفي تخط وقلبي يملي و عيني تمحو الذي أكتب =============== =============== أموالنا لذوي الميراث نجمعها =ودورنا لخراب الدهر نبنيها لا دار للمرء بعد الموت يسكنها =إلا التي هي قبل الموت بانيها =============== =============== يخاطبني السفيه بكل جهل= وأكره أن أكون له مجيبا يزيد سفاهة وأزيد حلماً =كعود طيب زاده الإحراق طيبا ================ ================ اذا اعترتك بليةً فصبر لها=صبر الكريم فهو بك اعلمُ واذا شكوت لابن ادم فانما=تشكو الرحيم الى الذي لايرحمُ ================== ================== طـارت حـمـامتنا وكرهت وكرها =لا ياحـمـامـة أبـوك عـودي للأوطان راح الشهر واليوم ثاني شهرها= والشوق زلزلني وأنا أمسيت ولهان

 

 

 

 

تعال باحساسك تراني بغيتك=وخذني انا كلي على كيف ماجاك وقف معا فكرك وفكر فديتك=لاحظ قدرنا نجتمع انا وياك هويت روحك باالغرام وهويتك=مافيه روح بالمخاليق تسواك ان كان ودك في عذابي عطيتك=يفداك عمري قبله العين تفداك واقطع حشاي واعلقه وسط بيتك=كل شي يهون وخاطري حيل يهواك عذب على كيفك تراني شريتك=روحي وعمري فدوت لك ولخطاك بديت في حبك تقول انتهيتك=كيف انتهي وانا اتشفق لملقاك ياليتني كل مابغيتك لقيتك=وياليتني اقدر اناظر محياك بهديك روحي والعمر مانسيتك=انسى فؤادي ياحياتي ولاانساك الامس احلام الوفا لاطريتك=واسهر الملم خافقي واتحراك نام الحكي بأطراف جفني وجيتك=عجزت اعبر عن شعوري بلياك امن البحر نسمه مشاعر هديتك=وشلون مايهديك قلب تمناك ليتك تحس الشوق فيني ياليتك=ليتك تلامس مبسمي يالغلا ان جاك هذي الحقيقه قلتها لك فديتك=غير العمر وشهو بقا بس يفداك..