ياناشدتني عن غلاتك

ياناشدتني عـن غلاتـك بهالجـوف
اخـاف شعـري مايسـرك جـوابـه
راعي الربو مايشتهي ريحة الصـوف
انتي وانا / من غير وجـه التشابـه
مير اسكتي عنـي تسويـن معـروف
وخلينـي استمتـع بصـوت الربابـه
لياعزفها راعي الشعل قلـت : اووف
وكل اوف يتبعها من الضيق : يابـه
تطري عليه ديرة مـن ورى الجـوف
عزي لمـن طيـف المنـازل سرابـه
وش حيلة اللي عن هوى البال مكتوف
بعيـد وديـاره مـهـي بالقـرابـه
يبيلها من رزمـة الـزرق مظـروف
تاخـذك لديـار الـحـلا والـذرابـه
بالفين تشري لـك ثلاثيـن خـروف
غلابـة ٍ نكشـخ بسـوق الغـلابـه
قبل نتمنى الضيف يتلونـه ضيـوف
واليوم مـن غلـو الذبايـح نهابـه
ناكل مـن التجـار بديارنـا كفـوف
وهنـاك واحدنـا تقـل شيـخ لابـه
من وين ماتنظر حوالينـك خشـوف
لاجيتهـا يـزداد صـدرك رحـابـه
ماهي لمن مثلي نقل هـم مصـروف
ورعانـه اللـي شيبـوه ، بشبابـه
تلوفـه الدنيـا وميلاتهـا .. لـوف
ولالـه يكـود انـه يوالـف عذابـه
حارس مدارس حالتي حال ابو نـوف
ماعاد تفـرق لـون وجهـه وبابـه

منقول

 

 

 

 

بدر الشمال
نقل موفق لقصيده معبره
تقبل تواجدي هنا

 

 

 

 

رائعة هذه القصيده من روائعك المنقوله ..
ونص شعري جميل يتواصل فيه ابداعك السخي بالأختيار ..
يعطيك الف عافية ..
لاهنت ..

 

 

 

 

بدر الشمال

اشكرك لهذا النقل

موفق بإذن الله ... لك مني أجمل تحية .

 

 

 

 

شاكر للجميع مرورهم وتواجدهم الطيب

لكم تحيتي وتقديري