تبختري وانثني

تبختري وإنثني وإمشي علـى كيفـك =يحق لـك جـل خلاّقـك وسبحانـه
اليم يمـك وسيفـه (يالمهـا) سيفـك =لو غارت الورده اللي جنب ريحانـه
يكفي بحرهم نزولك فيـه تشريفـك =وإن مانزلتيـه ياويلـه وحرمـانـه
جيتي وبالزين صرتي حسب تصنيفك =الأولـه والنقـا قدتـيـه بعنـانـه
ياقبلـة الله بديتـي فـي مشاريفـك =شيٍ يفوق الخيـال ويخـرس لسانـه
تلفتوا ناس سمعوا عـن تواصيفـك =واليـوم يابختهـم بمشاهـد الـدانـه
يكفيك لون القمر من ضمن توصيفك =بنات جنسك لقن فـي خـدك ألوانـه
حتى البرد وصفنّـه فـي مراهيفـك =وعنق المها وإلتفاتة فـرخ شيهانـه
ماعيبـك الا بخيلـه فـي سواليفـك =إمن الحيا دوب تسمع همسـك فلانـه
سبحان ربي عطاك اكمـل تعاريفـك =الدين والزين وأصلك يأروع إنسانـه
وإبروق وسمك رعدها حن في صيفك =تواصـل الخيـر هملولـه وودانـه
حماك ربـي ولا زلّـت محاريفـك =يابنت شيـخٍ فتـح للضيـف بيبانـه
مع جيّتك ياكثر صـادق معاريفـك =على البحر والبشر والشعر وأوزانـه
جيتي ورحتي عزيزه والعوض طيفك =أرجي عسى الله يصونك جل سبحانه

 

 

 

 

متواضع..

شاكره لك كل الشكر لطرحك
ابيات قمه في الروعه
صح لسان شاعرها
ولا عدمنا يد ناقلها
يعطيك ربي الف عافيه اخوي
لك ودي واحترامي..

 

 

 

 

الأخت سحر الغرام
تسلمين على الزخرفة
شاكر ومقدر مرورك
وتقبلي تحياتي وتقديري