يا اللي خذلتي القلب

يا اللي خذلتي القلب وأقفت خطاويك=عسى دروبك يا الحبيبه سلامه
دامك رحلتي خالق الكون يحميك=يحفظك ربي من دروب الندامه
خلي الجروح لخافق(ن) كان يغليك=وعيشي حياتك بالهناء ياحمامه
خايف عليك من الليالي تبكيك=وترسم على وجنات خدك علامه
ياشيب عيني لحظة البال يطريك=أشعر بإن الكون دونك عدامه
مرات أشوفك طيف وأصرخ أناديك=كني يتيما والزمن حيل ضامه
ما عاد أميز وين حطت أراضيك=مسكين قلبي يوم صرتي غرامه
الحب أصبح لعبة بين أياديك=ما همك إحساس الغلا وإحترامه
أحترت مدري يالغلا وين أبي أشكيك=من حيرتي ضيعت حتى العمامه
كل شي تلخبط والسبب من تغليك=وأصبحت أشوف الحر كنه نعامه
ماني بعاجز لاأنثر الشعر وأهجيك=وأرسمك لوحه كل أبوها ملامه
لكني ماأبغى بالقساوه أجازيك=واللي مضى بأنساه وأدفن عظامه
وإن جيتني بأقول ربي يحييك=وإن رحت تلقى من تصيبك سهامه
هذاالزمن معروف عطني وأناأعطيك=شلني وأشيلك خل عنك الشهامه
لجل المصالح كل شخص يبديك=وكل حسب ماله تحدد مقامه

 

 

 

 

ابداااااااااااااااااااااااع ...جبتها ع الجررررح ... صح لسانك ومنطوق من قالها والله إبداااع تقبل مروري

 

 

 

 

بدر


صح السانك وعلاشانك رسمت لوحه شعريه

تجسد بها الحب والشوق والوفاء والعطاء

بل كل مايختزنه الشاعر الصادق بقلبه

صح السانك مدد لاعدد


لك مني تحية بحجم الشمس

 

 

 

 

عبد العزيز

شاكر لك جميل الرد والتواجد العذب

لك تحيتي وتقديري

 

 

 

 

محمد السويلم

اسعدني مرورك الجميل وردك الأجمل

كم بودي ان اجد لك بصمات بهذا الصرح لنرتوي من الشعر الحقيقي والبديع

لك تحيتي وتقديري

 

 

 

 

صح لسانك يالبدر اتمنى لك التوفيقْ لكَ تحيآتْــيْ~

 

 

 

 

بندر

شاكر لك مرورك وردك

لك تحيتي وتقديري