مصافحه اولى لقلوبكم (هزاع الساري )

السلام عليكم ورحمه الله وبركاته

اخواني اعضاء ومشرفين منتديات الشميلات

انا اسف على التاخر في المشاركه

وذلك لظروف قاهره

واسمحولي اقدم لكم هالنص وتراه (ينشر للمره الاولى)

والاهداء لاخوي الغالي محمد عبد رمثان

الحر عمره ما يهاب العصافير
.......................... هذي الاجابه لا بغيت الاجــابه
خلك معاي شوي واعطيك تفسير
.......................... عن الشجاعه والكرم والمهابه
وعــن المراجل والدلال المباهير
..........................وعن البطوله والشيم والرحابه
متردد اكتــب عنها يا معيثير
.......................... لان عـنزه ماهي بحـاجة كتابه
من دور بن كلثوم مع سالم الزير
............................ عيال وايل عـن ثمانين لابه
ان كانها طنخه تراهم مساطير
......................... وان كـانها فزعه تراهم ذيابه
وان كانها وقفه بوقت المعاسير
...........................اقـصى عنزي وقت الشدايد قرابه
ويومنها بسيوف حدب ٍ مشاطير
.......................... كـل القبايل ما حسبنا حسـابه
نعم ٍ بهم اجواد من دون تحقير
........................... والنعم كايد والقروم اتشـابه
لكن انا اقول عنزه دايم ٍ غير
............................ ويثبت صمود رجالها بالمجابه
اللابه اللي ما تحسب المخاسير
.......................... اهل الكرم من قبل عصر الصحابه
اللابه اللي مابها اي تقصير
.......................... ولاصــارت الـهيه شموخ وصــلابه
وللجار قدر وحافظين المقادير
.......................... وللضيف حشمه وارتفاع ورحابه
وللصاحب الصاحب مكانه وتقدير
........................... يلقابها عـز الخوي والمهابه
والبيرق اللي كاسبه سالم الزير
............................ دايم يجملنا بـوقت الحرابه
بيرق ظفر ماهو هياط الشواعير
........................... ولنا الفخر يومنه الزير جابه
وبختامها خذها وعليك التفاسير
............................ ترى عنزه ماهي بحاجة كتابه
واكبر دليل رجالها بالمعاسير
.......................... واقصى عنزي وقت الشدايد قرابه
اخوكم هزاع الساري

 

 

 

 

اخي هزاع الساري

اسعدني تواجدك الغالي والطيب

والمنتدى منتداك وانت من يعذرنا لتقصيرنا

صح لسانك على هذه القصيده الرائعه

فلا تحرمنا من تواجدك

لك تحيتي وتقديري

 

 

 

 

المشاركة الأصلية كتبت بواسطة بدر الشمال

اخي هزاع الساري

اسعدني تواجدك الغالي والطيب

والمنتدى منتداك وانت من يعذرنا لتقصيرنا

صح لسانك على هذه القصيده الرائعه

فلا تحرمنا من تواجدك

لك تحيتي وتقديري

انا اسعد بوجودي بين اخواني


وصح بدنك

وشكراُ لمرورك من هنا

 

 

 

 

صح لسانك وعلا شأنك اخي هزاع الساري

مصافحه جميله من شخص رائع ومبدع

دمت بعافيهه وسعاااده

 

 

 

 

المشاركة الأصلية كتبت بواسطة الشميلاني

صح لسانك وعلا شأنك اخي هزاع الساري

مصافحه جميله من شخص رائع ومبدع

دمت بعافيهه وسعاااده

صح لسانك اخوي الشميلاني

وشاكر لك على المرور الجميل

 

 

 

 

الغالي هزاع
مبدع بحق
متمكن من المفردات
لديك القدرة الكاملة في تطويع أي مفردة في النص
هزاع / ما شاء الله عليك شاعر حقيقي ورائع
استمتعت كثيراً بهذا النص الرائع
استطعت أن تحرك لدينا الدم الوائلي
أشكرك أيها الرائع

 

 

 

 

صح لسانك اخوي هزاع وعساك من قوه

 

 

 

 

المشاركة الأصلية كتبت بواسطة أحمدفهيد الشميلاني

الغالي هزاع
مبدع بحق
متمكن من المفردات
لديك القدرة الكاملة في تطويع أي مفردة في النص
هزاع / ما شاء الله عليك شاعر حقيقي ورائع
استمتعت كثيراً بهذا النص الرائع
استطعت أن تحرك لدينا الدم الوائلي
أشكرك أيها الرائع

هلا فيك اخوي احمد



ولاهنت على المرور الانيق

لك ودي

 

 

 

 

وبختامها خذها وعليك التفاسير
............................ ترى عنزه ماهي بحاجة كتابه
واكبر دليل رجالها بالمعاسير
.......................... واقصى عنزي وقت الشدايد قرابه

شاعر رائع ومبدع دائماً الله لايحرمني هل الدرر
اشكرك على هذا الابداع تقبل مروري ولك
التحيه

 

 

 

 

هلا هلابك ياهلا
هلا هزاع اخو وعضو عزيز وغالي
انشأالله تفيد وتستفيد
ومعليش عذرناك على التأخير بس لاتعيدها
لاامزح معك

ماراح اتكلم عن القصيده لانه موغريب على هزاع الساري هالابداع والجمال

يسعدك ربي دنيا وآخره

رعد الجذيان