وصل الأصحاب .. !!

وصل الأصحاب .. !!


السلام عليكم ..

مسائكم نور وصباحكم سرور ..

اشتقت انزل لكم شي رغم انكم مقاطعيننا .. بس تستاهلون كل خير ..

هذه قصيده من أحد الزملاء موجهه لي وردي عليها ..

يقول :

ان كان ابن ضبيب لوصله قطوعي
حنا ترانا وصلنا ما قطعناه

له غيبةٍ ماهي شهر ولا سبوعي
وجيناه كم مره ولا لقيناه

شفته قبل شهرين بذيك الرجوعي
يسنى بعدٍ يصعب اللاش يسناه

صيّحت له اوكن ماله سموعي
واقبلت يمه ثم عطاني مقفاه

حنا لنا وقفه بروس الطلوعي
وليا عرفنا الرجل ما عاد ننساه

دايم على الشطّه مكان الضلوعي
ونعرف سمات الرجل لا بان معناه

وان كان انا الغلطان تراني رجوعي
انجيه في بيته ثم انترجاه

حنا منازلنا بذيك السلوعي
وتعرف وطنا والقصور المبناه

ــــــــــــــــــــــــــــــــــ

وكان الرد هذا مني :

البارحه ليلي على راس كوعي
قمت اتفكر فالعنا والمعاناه

هاجت معاني خاطري بالضلوعي
وتحطّمت من كثر همي حناياه

عايض بن مليحان يشره جزوعي
ما يدري اني طامعٍ في ملاقاه

من صاحبي جاني كلامٍ بتوعي
بتّع معاليق الضماير من اقصاه

يا صاح ماني للمواصل قطوعي
ولانيب من يسعى على غير مسعاه

مع صاحبي نمشي على غير توعي
نمشي على وضح النقا والمصافاه

مع صاحبي ممشي على كيف طوعي
يقودنا الراي الصويب وراه

في صاحبي ما اسمع عذاريب دوعي
ومن عذربه يلقى القسا من جزاه

اطريه بالحسنى وحسن الطبوعي
وتحيةٍ بمقابله لا لقيناه

ادمح خطاه وزلّته بالطلوعي
لو كان نفسي شاينه من خطاياه

 

 

 

 

مستحيل

صح لسانكم جميعآ على هذا البوح الصادق

اسعدني وابهجني هذا الحوار الذي يبين لنا جميعآ

طيب واصالت معدنكم وشوق كلآ منكم الى الآخر

انتظر جديدك المتميز وحضورك الراقي

لك تحيتي وتقديري

 

 

 

 

مستحيل اخترت وتميز اختيارك بجماله بهذه القصيده وردك عليها
والكل منكم يأمل بالوصل وهذا يميز روعة شعوركم ونبل اخلاقكم

 

 

 

 

مسسستحيل انت طيب واحنا نستاهل

راااااااائع تسسلم يمينك ننتظر جديدك بششوق "

 

 

 

 

بدر الشمال ..

صح بدنك يا غالي ..

اسعدني مرورك الرائع وتفاعلك الجميل ..

لك كل الود والتقدير ..

دمت بألف خير

 

 

 

 

مسفر الكثيري ..

صح بدنك اخوي الكريم ..

كل الشكر للمرور الرائع ..

وفقك المولى

 

 

 

 

الشامخه شموخ ..

تستحقين الكثير وجميع الأخوان ..

كل الود والتقدير

دمتي بألق