زبــن الـونـيـات ...........

خالد انا لي وقت ماقد تمريت=ولاشفت وجهي رغم كثرالمرايات
ويوم اني درت الحال بالحال خزيت=لاحظت في وجهي وسوم وعلامات
لولا المخافه كان سبيت واخطيت=على الزمان اللي سنينه سريعات
قعدت افكر في زماني وشتيت=وادركت بان العمر ساعه ولحظات
وايقنت بان الحي ابدى من الميت=ومن يقتنم فرصته يحظى بالاوقات

ول ياوجودي وجد كلما توجديت=وجد توجدته توجد من الذات
شروا وجودي يوم خصيت وابديت=عبرت من صادق شعوري بالابيات
والبارحه باليل اوحي تناهيت=بها الولا ويل تنهت تنهات
واعزتي للشاعر ان قال سجيت=من ضيق مابي ليلة السبت سجات
سجات من فيض المشاعردناميت=تفجرت بالفكرمن كثرالاهات
وحل الظلام وساق دربي مع الهيت=مثل الغريب اللي عيونه غريبات
ان كان دربه ليت والا بلا ليت=تايه والا له درب الا المتاهات
هذا ومع ذلك على الدرب ظليت=امشي على خطي وخطي مطبات
ولادرت وجهي عن طريقي وصديت=خوف انحرف في حين غفله عن الات



وابوي وصاني يوم اني تربيت=يقول لاتندم على كل مافات
ولاتشتكي للعبد لونك تشكويت=ماينفعك والعبد بالعبد شمات
احسن وضوئ وصل واليا استسنيت=قم اطلب اللي يستجيب الدعوات
واحفظ غرامك كان بالفعل حبيت=وعليك في شوق الهوا رسم الايات
تقنيك عن قولت لوني تعديت=ماجتني مطمه مثل هالمطمات
ولاتتبع الكراه ورا ذايع الصيت=وتعظ اصابيعك ندم بس بسكات
وانت اللذي فوق السنام استقليت=وعلى صعيده جبت مده وتكات
وشبيت نارك في محلك وسويت=فنجالك اللي ذاخره للمهمات
عينك على الدله لامنك تقهويت=عدك تشوف ختومها بالاحأات
يشوش راسي لاارتشفته تعليت=الشعريسموا بي وتسموبي الذات
وعديت من يم السحابه وخليت=بيني ومابين السحابه مسافات
مستنزل انزل من محلي تدربيت=والا سقطت سقوط شهب السموات
هذا ومع ذلك ياخالد توذيت=لابات كل اليل والصبح مابات
وماني على خبرك ليمني تعزويت=فزيت كل طولي على طول باثبات
مثل الخفير اليا استعد استعديت=هو سلمه ربي واكلت الجزاوات
ولاني على خبرك بعد لاتثنيت=ابرك على ركبي واشيل الثقيلات
واصعدعلى العليا واشوف العناتيت=واكزهم من فوق راس الطويلات
خالد يومن اني قلت خالد ولبيت=وش الغرابه وانت زبن الونيات
هذا اعتراف وبصمتي يوم قريت=انك يابو عيسى بليا وصيات
تفزع على النيه وتبني لنا البيت=وتقهر جموع ولاتحسب الحسابات
وانت اللذي لاضاقت الحال ناديت=وذي عادتك تفزع على كل الاصوات
وانت العديم اللي بوصفك تماديت=وكن القمر لك فيه ربع وعلاقات
ابك انت مو بس اخ زدت وتعديت=معنا الاخوه في جزيل العبارات
لاتاه دربي صوب دربك تدليت=فيك الادله واضحه والعلامات
لاعدوا هل الطيب والعز عديت= واليا وقفوا يامار تفرقك وقفات
ماتشوفني بالاسم قصدن تسميت=الاسم اسمك والفوارق كبيرات
ولوهو على كيف التمني تمنيت=ان انتده به يوم عرض الكشوفات

 

 

 

 

الشميلاني موسى
صح لسانك على هذه الرائعة وعلى هذا الابداع
والمشاعر الفياضة والأحسيس الراقية .

ولك مني افضل تحية وتقدير

 

 

 

 

الشميلاني موسى
اخي الكريم انت شاعر كبير ورائع
لقد سطرت لنا هنا ما يجب ان يقال للأخ او القريب
وهنا وجدنا انك تبين ما كان يدور بخاطرك وخلدك لأخيك
واعتقد انه اخيك الأكبر منك وهذا شعور يدل على نبل
ورقي احساسك وصدق اخوتك رغم ما
تحملته من بعض الأمور التي تخفا
وهذا حقك هنا اخوي الشميلاني موسى وجدت
انك شاعر ترمي
بسهام صائبه ولك مساحاتك الأبداعيه التي ننتظرها
دمت بعافيه

 

 

 

 

الشميلاني موسى

صح لسانك اخوي على هالقصيده الرائعه والجزله تقبل مروري وتقديري

 

 

 

 

الشميلاني موسى

صح لسانك على القصيدة الجميله

ومبدع في طرحك للقصيده

والله يوفقك .... وتقبل ودي واحترامي

 

 

 

 

الشميلاني موسى..

شاكره لك كل الشكر على طرح الرااائع
صح السااانك على القصيده الراائعه والجميله
كلماات رااائعه بروعة حضورك وابداعك
نتظر المززززيد اخوي
يعطيك العاافه
لك ودي واحترامي..

 

 

 

 

صح بدنك اخي المحترم ابو فهد اسعدني مرورك الجميل وشرفتني اطلالتك البهيــــــــــــه

لاهنت ياطويل العمر لاخلا ولا عـــــــــــدم

 

 

 

 

يامرحبا اخي العزيز الشميــــــــــــــــــــــلاني

انا جدا سعيد بمرورك الغالي

ومعجب باسلوبك الاكثر من جميل

صحيح القصيده اعني بها اخي الاكبر اشكـــــــــــــرك

 

 

 

 

خيال القضاه اسعدني مرورك اشكـــــــــــــــــــــــــــــرك

 

 

 

 

صح بدنك اخي الغالي خالد جليدان اسعدني مرورك

لاخلا ولاعدم