(مجاره)

هذا الزمن كثر الخطا والمطافيق
وكم واحدٍ حاول ولكن كشفته

وانا يالولا خوتي للمطاليق
ماسلك طريقٍ للمعالي سلكته

ويغنيني الله عن كثير المخاليق
ويكفيني اللي بالحميا عرفته
الشاعر :
سعود بن معزي العواجي
⭕⭕⭕⭕⭕⭕
((ياسعود))مايحتاج شرحٍ وتعليق
برج للمعالي ((يابوساجر)) وصلته

ولا تلتفت لاهل العقول المغاليق
اللي أفكاره عن ربوعه اعز لته

كسبه ماغير يلفق الهرج تلفيق
وترى العوج ماينعدل لوعدلته
الشاعر :-
عطالله بن صالح الضوي
⭕⭕⭕⭕⭕⭕⭕⭕
حييت يانسل الرجال المطاليق
اللي لهم باعٍ طويلن عرفته

((عواجيتٍ)) يوم المغازي توافيق
كم فارسٍ ((أخوان نمشه)) أسرته

تاريخكم أموثقينه تواثيق
تاريخكم مع كل بابٍ كتبته

((ياسعود)) وقتٍ فيه قل الوتافيق
هذا زمان العولمه لوطرقته

أشوف ناس تقلد الغرب ماتفيق
عميت بصيرتها بشين كشفته

أشوف انايالقرم بعض المخاليق
ضيع سلوم الناس ولافهمته
الشاعر :-
عبدالرزاق المطرفي
⭕⭕⭕⭕⭕⭕⭕⭕
هلا هلا باللي يسوق الطواريق
لولاك طاروق الوفا مانقلته

ياللي رقيت بعاليات الشواهيق
نسل ((العواجي)) كل دربن وصلته

وبيتك مشرع للوجيه المطاليق
وانا اتشرف لا لفيت ودخلته
الشاعر :-
خالد الركعان
⭕⭕⭕⭕⭕⭕⭕⭕⭕
ياحر ياللي معتلي بالشواهيق
ياشاعرن جزل القوافي حبكته

كاسب علوم الطيب ماهي تلافيق
جميع ميقافن يشرّف وقفته

الطيب وهبه والمراجل توافيق
وطيبك وراثه من جدودك ورثته
الشاعر
ضاري فلاح الحمرون
⭕⭕⭕⭕⭕⭕⭕⭕⭕
للحقد ناس وللمراجل عشاشيق
وهذا الذي في مجتمعنا لمسته

وترا الصدور مشبهه للصناديق
مثل لمسته في زمنا وشفته

والطيب مثل مشمرخات الزرانيق
يصعب على رجلٍ ضعيفه انهفته
الشاعر :-
ضيف الله صالح العنزي
⭕⭕⭕⭕⭕⭕⭕⭕⭕
سلام ياحر بروس الشواهيق...
يالنادر اللي كل شئ وصفته...

((ياسعود)) بعض الناس علقم على الريق...
ليته بعيد عنك ولا عرفته...

ابعد عنه لاتنزعج منه وتظيق...
ينزل وطا وأ نته بعالي شرفته...

خلك مع الطيب ياقمة طويق...
اللي على الشدات كتفك بكتفه...

قلته وأنا مجرب جميع الطواريق...
أخذت من سم الافاعي زعفته...

سم الردا يبس عروق المعاليق...
أمضيت مده والردي ماكشفته...

سجل ((ابن نمران)) ظمن المطاليق...
واللي يغثك من جهازي حذفته..
الشاعر :-
عبدالله بن نزال ابن نمران العواجي
⭕⭕⭕⭕⭕⭕⭕⭕
حي القصيد وحي راع الطواريق
((ابن معزي)) والغلا لك حفظته

انشهد انك حر ومافيك تلفيق
((يابن العواجي)) سعد منهوعرفته

خلك مع اللي ينفعك حزة الضيق
يوم دارت الدنيا وكلا كشفته
الشاعر :-
مطرب بن محمد ابن عقاب العواجي
⭕⭕⭕⭕⭕⭕⭕⭕⭕
((ياسعود)) يافكاك صعب الغواليق
راسن يزاحم رؤس مبطي فلقته

ليا اختلط عج الرمك التفافيق
كم راسفف من يمناك قمت وصلقته

لاتلفت للي علومه تصافيق
وجه العواجه شين لو ماحرقته
الشاعر :-
صنت الغضوري
⭕⭕⭕⭕⭕⭕⭕⭕
هذا الزمن لاهل الخطاء فيه تصفيق
مايردع المخطي ليامن عرفته

يلقاء على تفاهته طيب تعليق
ويفرح بقولت مبدع ن لاوصفته

حتى ولوهو يلفق القول تلفيق
يشوف نفس فوق لو مانت شفته
الشاعر:-
حسين بن عوده القراري
⭕⭕⭕⭕⭕⭕⭕
لمشاكل الازمان ((ياسعود)) ماتطيق
من خلقت الدنيا مشاااكل حففته

الطير مايمسك من دون االمسابيق
ماتمسكه ياااصاااحبي لو حذفته

الله يجيب الخير وااااااالخير توفيق
زماننا ((ياااااسعود))في خيرشفته

الله كريم يسهل ااااااااالامر وطريق
مايايس ااااااااااالمخلوق ولرب لفته.
الشاعر:-
نهير ااااااالدهمشي
⭕⭕⭕⭕⭕⭕⭕
ياسعود هذا الزمن حظ وتوافيق
رفيقك اللي دوم بطيبك ملكته

كثرو علينا منمق الهرج تنميق
يبان مضمون الحكي لامن سألته
الشاعر:-
عبدالمحسن الغضوري
⭕⭕⭕⭕⭕⭕
دنياك هاذي ((يابوساجر)) توافيق
بواقتن ماتنعدل لوعدلته

احرص على صحب الرجال المشافيق
الي تحفض الطيب لك ياعملته

وبعد عن عفون ارجال المقاليق
الي تمادا بالخطى ياعذلته

والحر يطلع فوق روس اللشواهيق
مثلك ((يابوساجر)) بعزمك وصلته
الشاعر :-
محمد بن لافي العواجي
⭕⭕⭕⭕⭕
بعض الاوادم ((يالعواجي ))لقاليق
والبعض مايميز مكانه انهفته

اللي على الطايل رقى رأس ويويق
هذاك ماينطال وانت احتلفته

المرجله ماهي حكايا المغاليق
والمسلك النادر صعدت وشرفته
الشاعر:-
الحميدي بن نبات ابن صنعاء
⭕⭕⭕⭕⭕⭕
خلك مروق وروق البال ترويق
راع الردى دايم قويه انهفته

((ياسعود)) ياوجه السعد للمطاليق
شفناوعفنا بزمن وانت شفته

راع المصالح لاتعده سندضيق
من كثر مايصرف يبين وعفته

عليك بزحومن تفك المغاليق
شرواك ((ياسعود)) الوفاء الطيب حفته

مفتوح بابك للرجال المطاليق
بابه مشرع بالقفل ماقفلته

وتدعي ((بني وايل)) وكل المخاليق
شايم الدرب الطيب والنوم عفته
الشاعر :-
عبدالكريم خلف الجبوري العنزي
⭕⭕⭕⭕⭕⭕
((يابن معزي ))شوقتنا الطواريق
وانا على مبداك قافي عسفته

هذا زمن ((ياسعود)) مامن توافيق
ترا صديقك هو عدوك وصفته

من نام حظه على منومه يفيق
ومن لا تقبل نصحنا اليوم عفته

من لا قبل سكر عليه المغاليق
ماعاد تنفع صحبته لو حلفته

((يابن معزي ))معتلي قمت طويق
بالمرجله عديت قمت شرفته

((يابن معزي)) وسع الصدر لاتضيق
لاتشتكي جور الزمن مع صدفته

لابد يكشفلك قليل المواثيق
ولاعاد يوثق بالردي وان خلفته

لابد تلقا صاحبك حزت الضيق
من لايواسي من قموسي حذفته

المرجله والطيب حظ وتوافيق
وهبه ماهي من مال بنكن صرفته
الشاعر:-
كريم هضيب العايش الجعفري
⭕⭕⭕⭕⭕⭕⭕
((ياسعود)) يافرز الوغى ساعة الضيق
لاجاك راع الغي تكسر اعنفته

حلياك حر يشلق الخرب تشليق
ورجم المعالي ماكره في اشرفته

حرن اقطامي حين تل المسابقيق
الى ارخا سبوقه للمعالي الهفته

يعيش راسن شامخ كنه اطويق
تتعب احروفي كان فعله وصفته

((ابن العواجي)) يوم ضرب المداليق
((جعافره)) كم كيد قوم" احرفته

بمجرب" يفرى صميم المعاليق
وفي حربة" راس المعادي انتفته

دخليهم مايلحقنه ملاحيق
ينساليال" بالمذله اصدفته

يالنادر الي قدروك المخاليق
جواد ماحسبت للي صرفته
الشاعر:-
خليل مسفر الطلوحي
⭕⭕⭕⭕⭕⭕⭕
حرا شهر من مرقبه عقب تحليق ...
من راس شوهاق (ن) يناظر اهدفته ..

من مرقبك ومطوق العلم تطويق
*في مخلبك ياطير شلوى خطفته .

((ياسعود)) سمهمك حقق الرمي تحقيق ..
من مخزن (ن ) دايم مليه سعفته .

ليا بان لك راع الردى عقب تدريق ..*
**معذور لو انك بنعلك حذفته* .

طرحت رايك للرماه التفافيق ..
وانت الحكيم وكل شي عرفته .
الشاعر:-
مفضي علي الطلوحي
⭕⭕⭕⭕⭕⭕⭕⭕

 

 

 

 

سعود معزي
شاكره لك كل الشكر لروعة موضوعك وجماله
يعطيك ربي الف عافيه
لك ودي واحترامي