وانا اريد اسايلك يا ابو ثاني

((((قصيدة موجهه الى عبدالله حضيري))))
النبه مايحتاج شرح المعاني=والعرف مايعرض على غير راعيه
وكل له من الناس قوم دواني=والرجل لامن ضيم ينخا عوانيه
وانا اريد اسايلك يا ابو ثاني=حيثك فهيم وتاهيه الراي تهديه
من نسل قوم مارضو بالهواني=خلفة شجاع ما تهنا معاديه
متوسط من اللوم ولاعداني=يومي فزعت لمن تونو بنيخيه
مافزعوا الا بالهذر باللساني=ناس تزوم وناس تبغي تهديه
خلاه ضده حايس بالمكاني=وسط البلد مطروح والدم غاشيه
وأنا ثنيت وجاني اللي كفاني=من الربع مايشغل لفكري ويغثيه
جزا الحمية بالمغثه جزاني=غرير شوفه ما تعدا مواطيه
ماني من اللي يقضبون المكاني=ضاري على قطع الفرج والمهاميه
عند الخطر ما اقول رخو البطاني=لي لابة من عال بالنار تصليه
قشور والجذعان يوم الكواني=سيل تحدر للسهل من عواليه
على العدو هم يطلقون العناني=وليا انتخا رجالهم من يواليه
شميلات قرب حدودهم من يداني=عدوهم ياهامهم تقصر ايديه
(((((وحيد نزال السوعان)))))
في 13/4/2010م يوم الثلاثاء

 

 

 

 

بدر الشمال سلمت يمينك على نقل هذه القصيدة
للشاعر وحيد النزال صح الله لسانه والنعم بأبن العم
عبدالله حضيري صاحب الحمية المعروف وصاحب المواقف
المشرفه فهو يستحق ان تقال به القصيده لإنه قول وفعل
دمتم بعافيه

 

 

 

 

بدر الشمال..

شاكره لك كل الشكر لنقلك الرائع
تسلم اناااااااملك ياخوي
وصح السان الشاعر وحيد نزال السوعان
يعطيك ربي الف عافيه
لك ودي واحترامي..

 

 

 

 

الشميلاني

شاكر لك جميل الحضور وروعة الرد

لك تحيتي وتقديري

 

 

 

 

سحر الغرام

شاكر لك جهودك وتواجدك الدائم

دائمآ يكون لردودكم جمالها ورقيها

لكِ تحيتيوتقديري

 

 

 

 

بيض الله وجهك ابوعبيد على النقل الجميل

وصح لسان الشاعر اشهد انها قصيده من العيار الثقيل مايكتبها الاشاعر كفو

لاهنت

 

 

 

 

موسى

تسلم يالغلا على الرد الجميل والغير مستغرب
القصيده لأول مره تنشر بالمنتديات لأنني حصلت
عليها من الشاعر نفسه وله عدة قصائد سوف
نقوم بنشرها ان شاء الله

لك تحيتي وتقديري

 

 

 

 

شـكــ وبارك الله فيك ـــرا لك ... لك مني أجمل تحية .

 

 

 

 

شـكــ وبارك الله فيك ـــرا لك ... لك مني أجمل تحية .

 

 

 

 

ابن مجلد

شاكر لك مرورك وردك

لك تحيتي وتقديري