ديوان الامير الشاعر خالد الفيصل

الامير الشاعر خالد الفيصل

شاعر غني عن التعريف ومهما كتبت وامتدحت فيه فلن اوفيه حقه ولكن سوف ادع قصائده تعبر لكم ...
لنكن يدا واحده ونتعاون في جمع قصايد صاحب السمو الملكي الامير / خالد الفيصل في ديوان خاص ..

في غربتي


في غربتي ، عارضت أنا ركب الأغراب
أشد .. وأنزل .. والليالي ركايب

أضداد .. وأقران وعدوان .. وأصحاب
متناقضات الخلق .. ماغاب غايب

أسهر معا تهويم نجمات الأحباب
حتي يصير النجم بالصبح ذايب

أصبح على فجرٍ ضحوكٍ .. وعجاب
وأمسي على همسات ، ستر العجايب

وقامت تجاذبني على درب .. الأسباب
نفس الشباب .. يحدها عقل شايب

مشيت في رمضا .. وسنّدت بهضاب
وعارضني سيولٍ ، وهبّت هبايب

وأمسيت في صحرا .. و قيّلت في غاب
ومن طاول الغربات ، شاف العجايب

مرتني الدمعه ، بها الوجد ماذاب
في غربة الأشواق ، راحت هبايب

مرتني البسمه ، تقل فوقها حجاب
وراك خجلي يارسول الحبايب ؟

والحب.. مريته غريبٍ على باب
عقب القصور .. أمست بيوته خرايب

بغيت أسلي خاطره .. عقب ماشاب
لقيت ماله بالتسلي طلايب

أقفى مع المقفين .. وجلٍ ومرتاب
على عقوق الوقت ، بالحيل عايب

في غربتي .. مريت رجلي وركاب
أرزاق .. من رب الخلايق ، وهايب

 

 

 

 

من بنات الريح ..


من بنات الريح لي صفرا جفول

كنها ظبي الفلا بجفالها


منوة الخيال عساف الخيول

زينها في دقها وجلالها


زينها ما شفت وصفه بالمثول

الله اللي بالجمال اصخى لها


تستذير كحيلتى من كل زول

ما يصخرها سوى خيالها


اذكر الله كل ما قامت تجول

و احمد الله خصنى بحبالها


كنها تمشي على قرع الطبول

فتنى اللي خافقه يبرى لها


ظافي القصه على الطرف الخجول

تنكسر شمس العصر بظلالها


وصفها وصف السحاب اللي يحول

كل عين تستخيل خيالها


او كما طاري على الخاطر عجول

صاحبه حقيقته ما طالها


كل رجل في حياته له ميول

والهوايه تمتلك رجالها

 

 

 

 

"غ ـــــــــريــــــــب الــــــدار"





غريب الدار ومناي التسلـي اسلي خاطري عن حب خلي
سمعت الشور من قاصر معرفه يحسب البعد عن داره يسلي
أسافر عنه من ديـره لديـره عسلي أسلاه لكن ماحصل لي
أهوجس فيه وأنسى أني نسيته وافكر في ليالن قد مضىً لـي
أنا لا جيت ابنساه التوى بي خياله وانهمر دمعـي يهللـي
واشوفه واقف من دون دمعي حبيب القلب في عيني يهللي
دعاني ياغريب الـدار عـود ترى مالك محـل الا محلـي
مكانك في عيونـي ياعيونـي وقلبي من غرامك مـا يملـي

 

 

 

 

حومــــة فــكــر






ستـل جناحـه ثــم حــام
يرقـا عـلـى مـتـن الـهـوا

يــزفـــة بــعــيــد وأنــــــا
محـدود فـي حـد النـظـر

له بالهـوى شـف ومـرام
يلعـب مـع الغيمـة سـوا

ولا جـنـاح لـــي وأطـيــر
والارض صارت لـي مقـر

طيري ضـرب جـو الهيـام
ولــو دعيـتـه مــا الـتـوى

عـزي لـمـن طـيـره غــدا
ولا لــه مــن امــره مـفـر

فكـري تغشـاه العـسـام
أمسيت وفكري ماضوى

الأرض قفـر مـن الونـس
والليل مـن فرحـي قفـر

شبيـت ضــوي بالـظـلام
في صحصح ذيبـه عـوى

مالـي أنيـس إلا النجـوم
أو نـــور وضـــاح الـقـمــر

خالي وكني فـي زحـام
قلبـي تلـهـب وانـشـوى

مـاعــاد أمـيــز بالـحـشـا
والا علـى الـضـو الجـمـر

وين أنت ياداعـي سـلام
ويـــن أنـــت يـابـايـع دوا

ردوا لــي النـومـه تــرى
بالعـيـن جـــلاد الـسـهـر

دورت بـالـشـده حــــزام
ولا لقـيـت الـــي قـــوى

يالله دخـيـلـك مـالـقـيـت
اللـي نـشـد بــه الظـهـر

 

 

 

 

|--*¨®¨*--|لـيـالـي نـجــد |--*¨®¨*--|



لـيـالـي نـجــد مـامـثـلـك لـيـــالـــي
غـلاك اول وزاد الـحـب غـــالـــي

لـيـالـي نـجـد للـمـحـبـوب طـيـبـــي
امـانـه نـور عـيـنـي يـالـيــــــــالـي

حـبـيـبـي لـي ذكـرت انـه حـبـيـبـي
دريـت انـي حـظـيظ وزان بــــــالـي

عـلـى شـانـه تـهاونـت الـمصـايـب
اذوق الـمـر لجـل رضــاه حـــالـــي

ولا مـن الـزمــان اشــتــد حــــــره
لـقـيـت بـقـرب مـظـنـونـي ظــلالـــي

 

 

 

 

][®][^][®][حــــدر الـقــمـــــر][®][^][®][



حــدر الـقــمــر صــوت لـخـــلـه ونــاداهـ
ثــــلاث مـــــراتٍ وبـالـــرابـعـــــــــه ون

حــدر الـقـمـر يـاما هـمـس لـه ونـاجـاهـ
وعــيــونــهــم يــامـــا بــنــوره تــلاقــن

والـبـارحـه عـدا عـلى الـذيـب بـعــواهـ
وقـفـت ظـنـونـه بـاللـيـالـي يـتـهـــــادن

مـرٍ حــوالــيــــنــه ومـــرٍ تــعـــــــــداهـ
ومــر يـتـضـاحـك لـه ومــــر يـتـبـاكــن

هـذي ســواة اللي عـن الـنـوم قــــزاهـ
طـيف الحـبـيـب اللي على خـاطره عن

ان شـافـت عـيـونـه جـمـال تـمـنـــــاهـ
وان صوت القمري لصوت الهـوى حن

الـجـارحه تـجـرح وتـسـجـي وتـنـســاهـ
وجـروح مـجـروح اللـيـالــي تـسـاقــن

والخـافـيـه طـعـنــة زمــانـه تـمـثـنــــاهـ
والـبـيــنـه عـنـهـا عـيـونـه يـبـــوحـــن

 

 

 

 

][`~*¤!||!¤*~`][سـريـت لـيـل الـهـوى ][`~*¤!||!¤*~`][


سـريــت لـيـل الـهـوى لـيـن انـبـلـج نــــورهـ
امـشـي عـلى الـجـدي وتـسـامـرنـي الـقـمـرا

طـعـس وغـديـر وقـمـر ونـجـــوم مـنـثــورهـ
وانـفـاس نـجـد بـهـا جـــرح الـدهـر يــبـــــرا

يـا نـجـد الأحـبـاب لك حـدر الـقـمـر صـورهـ
طــفـلة هــلال وبــنـت اربـع عــشــر بــــدرا

حـبـيـبـتـي نــجـد عـيـنـي فــيــك مــعـــذورهـ
مـعـشـوقـة الـقـلـب فـيـهـا للـنــظــر سـحــرا

فـضــة شـعـاع القـمـر فـي نـجد مـسحـورهـ
مـن شـاف لـمـعـة قـمـر فـي خـدةٍ سـمـــــرا

 

 

 

 

كل مانسنس..


كلما نسنس من الغربي هبوب حمل النسمة سلام

وان لمحت سهيل في عرض الجنوب .. عانق رموز الغرام

لك حبيب ما نسا .. كلمته دايم عسى

اطلب الله وارتجيه .. صبح يومي والمسا

كل زين اشهاده وانتم بعيد منوتي ليتك معي

وان سهرت الليل اهوجس بك واعيد هل لاجلك مدمعي

وانت هاجس خاطري .. وانت فرحة ناظري

يا قريب ويا بعيد .. فيك امس وحاضري

نشوتك تلعب مع قطر المطر .. وانتشى قطره معك

والسحاب يطاردك بين الشجر خالق الزين ابدعك

الندى في وجنتك .. صار عطر بلمستك

والهوى غنى طرب .. تستثيره بسمتك

كلما ضمت عيوني منك طيف يا بعد كل الطيوف

قلت ما مثلك على الدنيا وصيف لا حشا مالك وصوف

لا سحاب ولا مطر .. لا نسيم ولا زهر ..

لا طيور ولا زهر .. ولا مع باقي البشر ..

 

 

 

 

لا يطول غيابك..


لا يطول غيابك.. ثم اخذ عليه
لو تخليت عني .. عنك قلبي تخلي

العذر والتعلل والحكي.. مانبيه
من تحرك فؤاده بالهوى.. ماتخلي

طبعي الصبر لكن وش عليه ارتجيه
من طويل الصبر يعقوب وايوب ملا

دامني حي عطني وش بقى نحتريه
مابي دموعك.. اللي عقب موتي تهلا

مابفى بالعمر مقدر ما راح فيه
كل ما زل يوم(ن) .. يوم بالعمر ولى

مايعرف الجمر مثل الذي يكتبونه
احد يدفا بناره .. واحد فيه يتصــلى

يا من القلب حطيته براحته يديه
ما رضى له مكان له غير كفك محلا

كم تعذر وعيا عن هوى محتويه
لين طاح بيمينك بالغرام وتجلى

 

 

 

 

بنت فـــكــري..



العبـي يـا بنـت فكـري العبـي
غردي بالحـرف منـي واطربـي

واسدلي شعرك على شعـري دلال
واسقي عروقي غـرام واشربـي

وانهلي من كـل ورداتـي رحيـق
واعصري لي من عسلك مشربـي

وانشري الفرحه على الدنيا معـي
وازرعي البسمه على وجهه الصبي

قلبي الطفـل الـذي عيـا يشيـب
كل ماقلـت اكتفـى صـوت ابـي

ماشبع من حسـن ظـلام الهـوى
كـل ماجـارت طلبهـا عـذبـي

انت اعلى ما اشوفه فـي سمـاي
وانت ابعد ما سعـى لـه مطلبـي

وانـت احـلامـي اشكلـهـا وود
و انت ديوان الهوى فـي مكتبـي

يـا حكاياتـي اذا بـاح الـزمـان
و يا وميض الفكر في الوقت الغبي

رددي صوت الهوى صبـح ومسـى
واعزفـي باوتـار قلبـي ولعبـي