[[فوائد التدخين ]]
ايام وليالى تمر
لا حياه نافعه
ولا عيشه تسر !!
شباب فى عمرالزهور
وجمال الورد لكن ياخساره
يوم ورا يوم .. صحته تتدهور
من التدخين !!
ويقول دى موضه وشطاره
يابنى .. صحتك .. عيب
دا موت بطيء
لا بعده صحه ولا نضاره
تكون بدايتها شلة اصحاب
مع ظروف مافيهاش تحسين
يكون فيها دور الاب غاب
يقولك ياعم روق بسجارتين !!
بعديها ياخد عليها
وتدور الايام وتمر
ويقولك ياعم جرب حاجه جديده
لوعندك صداع ..وصفه اكيده !!
ياسلام على الافكار !!!
صحه قش وجيب على الحديده !!
وقاعده ورا قاعده تضيع ايام
وتروح سنين
دا الصحه راحت والشعر شاب
واخونا لسه فى العشرين !!!