عقيل يابن عويس ياوفِ الاشبار=يالله عسى تعتاش عيشه رغيده
لاهنت يانسل الرجاجيل الاخيار=اهل المكارم طيبين الحديده
العذر من رب السماوات يالجار=ماجيت اكيدك والا ادور مكيده
انا لقيتك شاعر وتعزف اوتار=وتلعب وتاخذ كل دور وتجيده
ايضاً ولن الشعر وحقوق الاصدار=ماتحتكر والشيخ عقلا وليده
ساعة مدحته كيف مدري وشو صار=هاض الشعور وجاد نظم القصيده
وان درت وجهي يمين وان درته ايسار=ماردني عن مسلك الدرب سيده
يستاهل النوماس رجل له اذكار=رجل فعوله كل ابوها من ايده
المدح في شرواه يبدا ويحتار=بنص السطر يرجع من اول واعيده
ماله جدا لادار بالشيخ وان دار=ان دار صيده وان تطرقه ميده
ذكرت منهو سالب عقول وانظار=الاجودي راع الخصال الحميده
رجل تعوج لسيرته روس الاشعار=وان عدته كل المعاني تشيده
ياكم سمعنا بواحد راد مشوار=راح الجنوب وشوفت الشيخ عيده
الا وجاك يفيض ويدور افكار=يبي له فكره تنفرد به وحيده
يبيله بلوره تبلور تبلوار=بها المعاني بالمعاني فريده
ينضح على ماقيل كل عقد وسوار=به الجواهر بالجواهر زهيده
مي مشكله لاجاك مكنونهااسرار=المشكله بالشيخ ماهي جديده
ياراس عيطا لنك مرسوم الانبار=شعري بمثلك يرتفع به رصيده
ويجيب لك من واهج الشعر بيطار=ويذلل الصعبات لوهي عنيده
ويكفخ بطيري من على راس سنجار=طيري هجوسي والجزيلات صيده
الشوق من كثر الثنا واهجه حار=مر الجليد ولاتحمل جليده
بسوالف من دار تنقل اليادار=بالطيب يعلمها الولي ثم عبيده
عقلا مثل شرواه تجلبه الاخبار=بين الملا ماهي سوالف جريده
بالسر يعطي للعطايا والاجهار=الياعطاها جهار الله يزيده
واذا على الشيخه هله مبطي امار=وقبل الفلوس النار خلقة وقيده
قلته وانا ماني بهذري وسمسار=ابتاع شعري لجل شي اريده
حاولت امدح رمز مرفوع اللشعار=طلت السحابه مالحقت بصعيده
