معلومات العضو

إحصائية الترشيح

عدد النقاط : 9

الشعر رحله ، فيها الكثير والكثير ، تنقلك الى عوالم لم تخطر ببال
هنا قصيده ، احبها كثير ، كانت حبيسة الارشيف ، أهدتها لي أختي
بدون مناسبة ، راقت لي كثيراً .. فا حتفظت بها ..

جدد ذكرياتها هذا اليوم الاخ / ياسر الشمري في احد مواضيعه بالميدان
وصممت على وضعها بعد ان شاهدت رد الاخ العاقل المعقول بـ أن
تنتخي الزوجة با هلها واخوانها ..

أختلفت الروايات عن مناسبتها ، وهنا حاولت قدر المستطاع ان اضع
اغلب ما وصلت إليه عن مناسبتها ، متمنيا مِن مَن يعرف عن أكثر
يزودنا به هنا ..

قيل انها قيلت :
في وحده ضربها زوجها ومالها الا اخوها الي كان مغترب في تونس
لكن رجع بس لعيون اخته ، وقالها هذا الرجل النشمي يوم سمع اخته
تبكي بسبب زوجها

وأيضا :
هذا واحد كان يحب اخته وعلاقتهم قويه مع بعض متعود على ضحكتها
وفرفشتها وخفة دمها ، بعد ماتزوجت اخته وراحت مع زوجها !!
اخوها سافر واتصل عليها بعد فترة ، ولاحظ اخته ماتضحك
وكأنها حزينة وصوتها مو طبيعي .. وكل ما يسألها وش فيك ؟؟
تقوله مافي شي ... عرف ان زوج اخته يهين اخته ويسيئ معاملتها
فكتب هذي القصيدة ..

ويقال أيضا :
ان القصيده ليست لنصار الظفيري
والمقصود بــ حيزا هي نخوه ينتخون بها قبيلة عنزه على ماقيل ...

وهذه الرواية الاغرب :
بعد ماتزوجت البنت مات ابوها وامها ولم يبقا سوى اخوها
ويوم تزوجت اخته صار عليه قضيه وانسجن ثلاث سنوات
وبعد ماطلع اشتغل كداد اي شغال على الخطوط مشاوير وسئل عن اخته وعن زوجها
وكان احد الركاب اللي معه يعرف زوجها وقال وينهم ؟؟قاله في الاحساء
وراح وجلس عندها يوم وشافها وفي اليوم الثاني قالها انا رايح للنقل
اذا لقيت ركاب مشيت واذا مالقيت ارجع لك ، ولقى الرجال ركاب ومشى لجده
وفي نص الطريق تذكر انه وعدها يعلمها اذا مشا ودق عليها ولقى صوتها متغير ..
وقالها : وش فيك ؟؟ قالت : مافيني شي ...
وفي نص المكالمه قام يقطع صوتها وقامت تبكي وقال القصيدة ..
الاخ وقف عن محطه ونزل الركاب وعطاهم فوق حقهم مشوار ..
ورجع ويوم وصل لقها لحالها تبكي قالها : وش فيك ؟؟قامت وحضنته
وهي تصيح من يوم امي وابوي ماتو وانت انسجنت وكل يوم يصبحني ويمسيني بضرب ..

الاخ زعل واستنا الرجال لما جاء (وعلى قول العالم ) يقولون سحب المسدس
وضربه ست طلقات وارداه قتيل القصه قديمه شوي

ويقال أيضا :
أن الخوالد ينتخون بالحيز.
والذرفان من الزميل من شمر ينتخون بالحيز.
وكذلك الثنيان من الزميل من شمر ينتخون بالحيز..
فالقصيدة لا تكون إلا لخالدي أو شمري..

ويقال انها :
لخالدي كان بقطر متغرب ، وهو من قبيله بني خالد في أخته عندما أتصلت
به وكانت العبره تخنقها فعندما سألها رفضت تجاوبه فهب غاضبا
وجاء من السفر إليها ليعرف مابها ..

إليكم القصيدة

لاتنثرين الدمع قولـي لـي وش فيـك
تخالطت عبرات صوتـك وانـا اسمـع

تقطع خطـوط الجو والصوت مغريـك
ودمعك غدى نيـران بالجوف واقشـع

ووقف شعر راسـي ودكـن دواكيــك
وضرب اخماس اسداس بالشك واجمع

ويبسن عـروق القلب وصارن مهاليك
مغير اغص بخافـي الريق وابلـــع

وشلـون مابـه شـي يرحـم اهاليـك
تدرين بغيـر الصـدق لا يمكن اقنــع

انــا عهـدت الضحك يعشـق اشافيـك
وعيـون ماخلقـت علـشـان تـدمــع

سلامــة الـي كـل ابوهـم عزاويــك
وليــا انتخـوا بالحيـزا نيران واشنـع

وليـا وضـح صوتـك باذانـي عزاويـك
( حيـزا حيـزا ) ساعـة الصفـر ترجـع

تكفخ حــرار(ن) ماسبقـوهـا ممالـيـك
وترسي جبال(ن) مانـوت يــوم تخضـع

وتارد فهـود(ن) ماتهـاب الشرابـيـــك
وتهــوي نجوم(ن) لارمـت جـال تفنـع

من اقصى الجزيرة اعصار توحي اذانيك
مـن هيبتـه يرتـج حفـره ويـركـع

ومن اقصى الحساء بركـان تونس اياديك
مـن هيبتـه صميـدع القلـب يـربـع

لا والله الا اجيـك وشلـون مـا اجيــك
شفنــي عليه اقرب من الموت واسـرع

اللي ازعـلك يمكـن نسـى انـي اخيـك
ولا تخيـل لاتغربـت مـا ارجــــــع

لا تنثريـن الدمـع حـيَّـن محاكـيـــك
والله تخضـع اشناب مـن شـان مدمـع

أتمنى أن تروق لكم ..

العديمي