ياوليفي لاتقاطعنــــــي
والحذر تنهي علاقتنــا
اعطني فرصه وجاملني
شوفتك يازين غايتنــــا
غيبتك عنّي تضايقــنـــي
تظلم ايامي وتوحشنـــــا
لاتحاول تبتعد عنّــــــــي
ثم من شوفتْـك تحرمنـــــا
مابذمّــــك لو تعاتبنــــــي
راحتك تكــــمل لفرحتنـــا
وان نويت الهجـر وادعني
لو على الأقــلّ صافحنـــا
آه ياليتك تصدقنـــــــي
لين نوضح لـك عواطفنا
وان غلطنا لاتواخذنـــي
من كثر وجدي تسرعــنا
هذه النوبه تحملنـــــي
خلني اعبّــر براحتنــا
انت كل الحسن في ظني
وانت من فنّـك تمتعنـا
كلما تشرطْهْ لكْ منّــي
بس تكفى لاتفارقنـــا
بوغريب يقول عاملني
بالكلام الحلو خاطبنـا
واطلبك تصفح وسامحني
بالـوفا والليــن عاملنـــا
((صالح ابوغريب))