لاتزيدوا على همي هم ثاني= اتركوها مرةً وحده نصيحه
واعرفوها وافهموا الرسم البياني = مايبي توضيح وحروفه صحيحه
بعد هذا العمر ما شيٍٍ خفاني = لا تعرضوا سيرتي فوه الفضيحه
وكان مدح الغير في ماقف مكاني = عاف ميقافه ولا وده مديحه
وأنا حال الحال بحوالي واعاني = دون خلق الله تقل مالي شريحه
ما تقول ألا الزمن هذا زماني =من لهوب الصيف يلفحني لفيحه
وياوجودي بينكم كالبهلواني = لا توجدة النفوس المستريحه
ما هديت ولا سكن قلبي بماني = ضقت من غزه وعافتني اريحه
ويوم لاح الجدي لسهيل اليماني = لوح سيهل اليماني مع لويحه
فز قلبي يومها واهتز كياني = وطاح قلبي وانا ما اقوى مطيحه
وقمت من صوت ورا تيما دعاني = من بعيده يدفع النسناس شيحه
قلت وينك قال أنا موجود كاني = أنت وينك قلت ضاقت بي الفسيحه
قال جيتك قلت اقلط بالمحاني = كل ضلع ياقف بوجهك لزيحه
ياهنا كل الجروح اللي تحواني = حرم ابوها ما تقل كانت جريحه
اارتفع بي فوق عن عين الطماني =و انا اشيلك فوق شاهقت الصريحه
ودام طاروق الهوى باللي هواني = اشعل البراق في خد الصفيحه
فاضتن الاشواق وسيول المثاني = من اول الوديان لأخرها قريحه
مدري علم او حلم ساحب صيف جاني = مر بعروقي وخلاها شحيحه
ما درى كل شي غير الله فأني =لا يطول تنطحه بالدرب صيحه
صيحة المشتاق شم الزعفراني = كل ما هب الهوى يتشاق ريحه