السلام عليكم
أسعد الله مساكم بكل خيـر
شيلة رائعه للشاعر ثامر شبيب الدقباسي
لاتلومنـي لاجيـت كلـي مـن اقصـاي
مـافـيـه غـيــرك لاتضـايـقـت جـيـتــه
جيـتـك ولاغـيـرك ذكـرتـه بـمـسـراي
جيتـك وكـل انـسـان غـيـرك نسيـتـه
جيتـك وانــا مـانـي بـأنـا تـايـه الــراي
جيتـك وانـا مـدري وش اللـي بغيـتـه
جيتـك وقلبـي دقتـه تسبـق خـطـاي
جـيـتـك اقـــول مـفـارقـك مـاقـويـتـه
ان مــر يـــومٍ بالـعـمـر مـنــت ويـــاي
أشتـاق لـك شـوق المسـافـر لبيـتـه
مثـل الهـوا تحتاجـه الـنـاس والـمـاي
يحـتـاج لــك قـلــبٍ هـــواك وهـويـتـه
انت الوحيد اللي .. يرد بسمة اشفاي
وانت والوحيد اللـي .. بروحـي فديتـه
دامـك معـي ماقـصـرت يــوم دنـيـاي
دامــي خذيـتـك وش بـقــا ماخـذيـتـه
وان كان تنشدنـي بعـد ليـه انـا جـاي
أبــشــر بـــــردٍ يـقـنـعــك لاقـريــتــه
جيـت اعتـرف بالفـرق يـا اخـر مـنـاي
بينـك وبـيـن الـلـي عشـانـك جفيـتـه
اني ليا من جيت لك ( همك رضـاي )
وانـي ليامـن جـيـت لــه ( مالقيـتـه )
لاتلومنـي لاجيـت كلـي مـن اقصـاي
مـافـيـه غـيــرك لاتضـايـقـت جـيـتــه
استماع
تحميل