السلام عليكم ورحمة الله وبركاته
هذي قصيدة للشاعر الكبير هزاع بن زيدان الفدعاني
وهي عنوانها حنا بدو
وقد قالها الشاعر الكبير هزاع بن زيدان مخاطبا بها فتاة تدعي الحضارة تستهزئ
بعادات وتقاليد وهندام البادية
يقول الشاعر هزاع بن زيدان
لي الشرف يا بنت فيما تقولين = نعم انا يا بنت ابن بدوية
لنا الفخريا بنت مهما تهزين= حنا بدو يا بنت وانتي حضرية
حنا بدوماهو غروالضعيفين = ولا هي كذلك تفرقة عنصرية
هندامناهندام قوم (ن) اصيلين= رمز الاصالة والفخر يا غبية
وامجادنا بــ عدادها لوتعدين = من اجدادنا لحفادهم للبقية
بتعدادهم يا بنت والله تعجزين = وايضا تعجز الاتها المطبعية
ما تنحصي امجادنا بالملايين= حنا هل النخوات واهل الحمية
حنا نعزالجارمن خاطر(ن) زين=يفرح ويلقا عز ماهو شويه
وضيوفنا ياتون سابق وهالحين=على بيوت(ن)يفرحون بمجية
الضيف لاقبل قولنا له هلاوين = يلقا الهلا مع كل قدر وتحية
هذا واذا يا بنت قصدك تزرين= ازري على من شابهك في حليه
ازري على من قلدك عامي العين= راعي الغنج والمكيجة واللغية
هرجه دلع صباغ خده بتلوين=(شرلس) لباسه مع قلادة عرية
مشيه غنج ون رد يبدي جوابين=او(يس) اوفي(نو)جاوب خوية
واذا سأل عن حال يبدي كلامين= (هواريو)دوبه يحرك شفيه
مع(قدباي) ان راح في منطق(ن) شين=هذا كلامه كل روحة وجية
نسأالعوايد واتبع سلم مرلين =حك الشوارب وتوالي اللحية
باروكته قلد قذل النساوين = وما ينتخي بالضيق لاصار هية
وحنا يا بنت الناس نمشي على الدين= ونحفظ تراث اجدادنا الاولية
ماتترك العادات حنا المسمين = ابناء يعرب والمفاخر ثرية
و( الفروة) اللي نلبسه له عناوين=عنوانها معروف يم كل سمية
تسوى من الكوتات يا بنت عشرين=ملبوس مدعات الفعول العذية
واذا لكل ما قلت يا بنت تنفين = حرام والله تدعين اعربية
وصلاة ربي عد سجد المصلين = على رسول الحق سيد البرية