السلام عليكم ورحمة الله وبركاته
مسـآء آلخير ../ صبآح
لا قلت لك خلني تكفا تخليني
النفس ضاقت وتعرف من مضيقها
ماني بحاجة علومك لو تسليني
بعد عن العين وأحسن لو تفارقها
لا ضقت أنا حتى روحي ما تدانيني
واليا هدا البال غربها وشرقها
لو كان غيرك حرام أنه يحاكيني
لو كان كل الدروب البيض يطرقها
تدري ؟ وش اللي ذبحني والبلا فيني
بعرف عروق الغلا و شلون تسرقها
يمكن تكون الخيانه من شراييني
وإلا حظوظك يجوز الله موفقها
ماقلت لحدن سوى أمي يابعد عيني
وشلون خليتني لعيونك أنطقها.!!
ياروح روحي ياقلبي يابساتيني
يابسمة العين ليه العين ترهقها
والله من زود حبك صنت رجليني
ماشفتني يوم أسوق الرجل وأفهقها
أنا بصفك وأضيع وأنشدك ويني
وشلون لا رحت جدراني أصفقها
ماتدري أني شريتك يوم تشريني
عشان حبك أبيع الخلق وأحرقها
أرجوك لا شفتني ضايق تخليني
وإليا هدا البال غربها وشرقها
لشـآعر / عبدالكريم الجباري