معلومات العضو

إحصائية الترشيح

عدد النقاط : 10

يا حياتي لو غلاتك بها ريب و شكـوك

ما ذكرتك في غيابك رغم وقتي البغيـض ..

ما نستْك اشجان قلبي ولا دْموعي نسوك

ولا تغير شئ فيني و عشقي لك فريـض ..

لو تبين الراي مني اذا هـم مااقنوعـك

من يغالط راي غيره أبد مـا يستعيـض ..

لا يسيل الدمع منّك اذا ظْروفي عصـوك

ما يهز الصرح ريح ٍ من اعصار النقيض ..

ما نزلنا فـي هوانـا تحـت ودٍّ بشـوك

دوم ترفعنا المشاعرعن دْروب الحضيض ..

وانتي ادرى عن غلاتك لو ظْنونك خذوك

الوفا فيني طبع منكتـب لـك بالعريـض ..

درت انا حول الهوى والمناهج علّمـوك

الخريف اوراق دارت على بردٍ و قيـض ..

لا يهمك ما جرى من تباريح ازعجـوك

منزلك مثل البحر لو نوى مـدّه يفيـض ..

ارفعي وقت التلاقي على اوقاتٍ جفـوك

بستغل عطر اللقا قبل ما يصبح وميـض ..

واثبت انّ اوتار قلبي أبـد مـا بدلـوك

وانك الحلوه الأميره و حبي لك فريـض ..

..
..
وليد الختلان
..

اقف هنا خرساء لااقوى على النطق لما رايت
اخجل ان وصفتك سيدي بكلمات ....
تبقى وحدك عالم منفرد لايجيد رسم ملامحه الا مداد قلمك
مع فائق مودتي