مساء الحب ياعمر ي مساء لون القمر لونـك
مساء اجمل من الظلمه واهداء من سكون الليل
مساء اصدق من البسمه تدغدغ صدر مفتونـك
مساء اروع من الروعه يعانق في سماه اسهيل
مساء احلى زمـان اول زمانـن تـاه لعيونـك
زمن مابلـة عروقـه ولا بكـاء زمانـه حيـل
مساء لوتنطق اشفاتـه يـرد لبيـك مجنونـك
تقهوى من نبض قلبي ومن روحي فداك الهيـل
مساء طعم اللقاء احلى من اللـي هـم يحبونـك
على خشمي اذا ودك اشيلك في فـؤادي شيـل
مساء اطهر حروف اسمي تجيك وتسئل اشلونك
متى ياغاية احلامـي يبعثرنـي سكـون الليـل
مساء اصدق عبارااااتي تحلق في سماء شجونك
وتهبط في شرايينك على نغمة صهيـل الخيـل
مساء يابحر تجرفني بامواجـك علـى هونـك
ترفق يابحر عمري لبعدك مابقـى بـي حيـل
يخوفي من كثر حبك اغيب عن شوفة عيونـك
اغيب بداخلك وانت تدور فـي عـذاب الويـل
تصور لو حصل هالشئ وعشت العمر من دونك
تصور حالتك دوني وانا وأنت صبـاح و ليـل