ياطير ياللي تقدرالجنحان توصلك السماء= اغنم شبابك واستقر بزحل والا المشتري
مادمت صقر ولك جناح وعين ماجاها العماء = وش بك موقع بالسفل الوادي وش اللي تحتري
اقل شي ارقب على اللوماح تامن بالحماء= وابعد عن الصياد والشبكه موثقت العري
وان شفت بالوادي حمامه هج عنها ربماء = حطت تغرربك لاجل تنصاد خلك عبقري

خلك شجيعٍ باللقاء ومن الحذر فيك انتماء = وتر جرح طعنات الظهر يبطي وجرحه مابري

وان صادك الصياد ماقدرك تقدير حشماء = تخاشروبك بايع وشاري وحق السمــسري
من بينهم يبي يجيك الجوع ويجيك الضماء = والكل منهم يحلم ان بقيمتك يصبــح ثري
نانصحتك وانته بكيفك ولانت بملََََِِِِِِــــزماء = ماني بدفتر عائلــتك ولانت معـي بدفـتري
هذي نصيحه والنصيحه من طبوع الاكرماء = نصيحتاً تهدى بلاش وقبــل كانـت تنشري
الطير رد وقال قل للذيب هرجاً محكماء = نصحتنـــي والذيب خليـته ويمـكن مادري
قلت الخبر ياطيـر عند الذيب ولسمعه نماء = مبطي واقال الذيب اللهم اني العري البري
من ذنب ناسن ماتحب الخير كلا ًمجرماء = من غير شيناتن سترها اليـــل كــلاً يفـتري
ايلين صار الذيب هووالقت اعدى وخصماء = واخر دعاويهم فراش الذيب تحت البـربري
مسكين راح الذيب فيها لاشرد ولا احتماء = والذله اللي خافيه احسن من اللي تنـطري
الذيب لاراد يعوي ينشب لسانه بالجـــــماء = ومن الضما قصر عليه الريق مابل المــري
ان لجت ضلوعه على له راس ملمومن زماء = ماله مجيب وطاح له في ضلمتـاً ماتنسري
والوقت مثل مايقولون العرب مايرحــماء = ولايحمي القانــــون كل مغفـلا ًمايبصــــري
وتجنب العيات في هرج الرجال الاقــدماء = العي يلقا عيتٍ يبـــلاه من وجــه نظــري
والياطلبت الراي شاورلك نصيحاً ملهــــماء = نورك رايه ويحفض سـرك ولا هو ثرثري
والياكرمت اشبع وخلك من خيار الاكرماء = واليا ضربت اضرب بسيفن يفري الهامه فري
والياجفتك الارض هاجر لوتهاجر لسـمـــاء = يمكـن بـدال الارض تلقا لك سنع بالمشتري