السلامه جعل تسلم يامعالي كل جود ـ= والبقا تبقى عزيز المنزله ذكرك مجيد
يارجل تسلم يمين خلدت صيت امحمود=واكسبت علم المكارم في زمن قل الحميد
واصبحت مضرب مثال مالك ارجاء الحدود = محتكر ذكره لشيخٍ باسه بقوة حديد
شيخ مادنق شموخه الا للرحمن كود =هامة الفدعان قرم المرجله راس العنيد
وايليٍِ ماتسلسل إلا من طيب الجدود =في كرم عز لبيتٍ كل ليله فيه عيد
صوتوا بالطيب ناسِ ماسعوا في قصد فود= كم قصدهم من تعنى مارجع الا سعيد
بالكرم من طيب يمنِى اشبعت حتى الاسود =لا هوت تبطش ولا هي معوده من دون صيد
زاهد(ن) بالعمر رجلٍ ماذخربالبيت عود=كنه منزه وطيبه يجري في عبر الوريد
مايرد الباب وقت في ليالي القحط سود =ينده بصوتٍ تقول ان السماء تفزع رعيد
يوم ولد اللاش حضه من ردا حاله ينود = ال مهيد اليا طروا شاعر تحفاه القصيد
طنخه بروحن تلقى بالمساء جم الوفود =يذبح القعدان خابر ما لفاه الا العديد
الف رحمه وسط روحه عدا لاقا حشود=وعدمارحب وهلا في حرار وفي عبيد
وعد حبات الرمال اللي ملت صحراء النفود=على صيت الي تنقل للعرب دون البريد
ماكفاه الا تعد العالم بليا قيود =واصبح يترجم لصوتٍ انقطع ماهو بعيد
والخلف باللي تتطرق ذكره بخير البنود = صيرمين ماتهاون فزعة اللي له يريد
نعم في ثامر وسودا تطمس عيون الحسود=والفخر في عز صيتٍ مافنى وامضى فريد
اشهد ان البيت يبطي مانبنى دون العمود=واشهد انك ساس بيتي جعل في عمرك مديد
يامعالي الطيب يسلم راس مامل الصعود=يلبس الطيب باسمه واكتسى مهيدي جديد
وموسى مع عشرين بيت قصرن لوهن شهود=وان تقول الشمس تشرق بالمساء قالن اكيد