البارت الو احد والعشرون
ندى: نسايم......نسايم
نسايم: مممم نعم اخلصي
ندى: وش تسوين هذا وانتي ملكتك بكره؟؟؟؟؟؟ متى بتعقلين
نسايم: يوووه منيب عاقله اطلعي وخليني بفوز
(نسايم كانت تلعب بالسوني حاطه شريط كراش ومندمجه)
ندى: قومي صلي الفجر ونومي ورانا شغل بكره
نسايم: اوووف طيب
ندى:ههههههههه انهبلت البنت على اخر الزمن.
ــــــــــــــــــــــــــــــــــــــــــــــــــ ــــــ
يوم الخميس صباحا الساعه السابعه
دخل للشركه وكل واحد يشوفه يرتاع ويروح ل(لاحول وااقوه الابلله وش فيهم يناظروني كذا شكلي مرتب كالعاده ماتعودو على شكلي)
دخل المكتب وجلس وبدا يفتح الملفات وفجائه رن جواله:
.....:الو
العمه لطيفه: انا بذبحك في احد يداوم يوم ملكته
نايف بعد الجوال شوي عن اذنه:وشو الملكه ساعه بالكثير مادوام ليش
العمه: لطيفه ارجع نواف ماداوم يقول ملكه اخوي وانت راز الفيس ليش ارجع للبيت
نايف: منيب راجع واذا صارت ملكه مالي دخل عندي شغل فمان الله
العمه:انا اوريك مع السلامه
( نايف: وش هذا واذا صارت ملكه الحمد الله عليهم افكار ذل مهبل<<الله واعلم من المهبول
لا اني بنت اتكشخ ولاشي البس الثوب وانتهينا)
دخل عليه خاله ابو عبد العزيز :
ابو عبد العزيز: نايف تدري ان كل شوي واحد من الموظفين جاي يقولي انك مداوم
نايف: واذا صار مداوم انا كل خميس اداوم
ابو عبد العزيز: بس اليوم غير اليوم يومك انت معرس لازم تريح وامك متصله لاترفع عليها السكر قم روح الحين كل العيال ماداومي يقولون ملكتك وانت تجي قم رح للبيت ريح
نايف نتهد: طيب
رجع للبيت وراح للغرفه وناااام
الساعه:2
راشد: نايف نايف قم
نايف: اذلف خلني انوم
راشد: يابن الحلال قم تغدى عشان نروح
نايف يطالع الساعه: الساعه 2 وين تبي تروح احد يعرس بالقوايل
راشد: اقول قم تغدى بوديك للهوليود
نايف: لاخلني هنا الرياض عاجبتني
راسد: ومن قالك اني بسفرك هوليد الحلاق
نايف: ليش امس محلق مايحتاج
راسد: نااااااااايف لاتجنني قم
نايف:ههههه طيب بنزل الحين
نزل راشد
لطيفه:هاه بشر
راشد: ماعليك منه يتدلع
لطيفه: زين علمه وشولون يتصرف مع البنت انا عارفه جفس
راشد:هههههههههههه طيب
نزل نايف: من هوا لجفس
راشد: واحد الله يهديه اليوم ملكته
نايف: اقول اسكت
تغدى نايف وقعد يسولف هو وراشد بصاله
راشد: نايف شف انا اعرف انك مؤدب ومنت راعي حركات بس يعني البنت لازم تهتم فيها تححسسهها انك تبيها وانا خابرك اخوي
لوح بهالامور ماعندك سالفه(نايف بنفسه هالحركات راحت مع صاحبتها) طييب وانا اللي اعرفه اكثر من هذا انك اصلا ماتبي تتزوج اذا انت
مغصوب لاتعذب البنت معاك هي ماله ذنب ويمكن هي بعد مغصوبه بس الاهم حقوقك تسويها وماعليك من شي
نايف: ان شالله( كان يفكر معقوله تكون مغصوبه علي.....لالا....تحصل اصلا واحد مثلي
ومن زينني انا ........وهي بعد من زينها .....أفف)
(نايف بالفترها لاخيره كان عايش صراع وحروب نفسيه بينه وبين نسايم هي اللي بتخليه ينقض عهد من سبع سنوات والكل يوصيه عليها كان يكرها بداخله
يحس انها بتدمره مع كل نواحي وهي مسكينه ياغافلين لكم الله)
قطع الجو صوت الجرس:
راشد:نفيييسه .....نفيسه روحي افتحي الباب
نفيسه: انت شنو يسوي
راشد: قطع روحي وتشاورين بعد
وراحت تفتح الباب وهي تتحرطم
دخل سلمان: سلااااااام
: راشد+نايف: وعليكم
سلمنان: اخبار المعرس
نايف: بخير
سلمان: صدق ولا اشاعه؟
نايف: 0وشو؟؟؟
سلمان: انك مداوم اليوم
نايف: صدق
راشد+سلمان:ههههههههههههههههههههههههه
راشد : من جدك انا يوملكتي عطلت قبل بسبوع ولاطلعت بالشمس عشان ما اطلع اسمر
نايف:يووووووووه لاتضحكون خلاص
نواف نزل: مراااااااااااحب
الكل: هلا
نواف: راح حب راس نايف: مبروووووك
نايف: عقبالك
نواف: ادامك اعرست ماعاد بطريقي شي .اصبر سنه بالكثير لاحقك
راشد: هذا الناس اللي تفكر
نايف: كلام واذا جا الصدق ههه ههه
نواف: وربي اللي خلقني مااكذب تتحدون
نايف اعجبته السالفه: اتحداك قبل زواجي تكون خاطب ولا ملك
نواف: خلاص موافق بس وش لي؟
نايف:ممممممممممم تذاكر السفر لللشهر العسل
نواف: اجل بدور مكان غالي خلاص اتفقنا وانتم شهود
نواف: انت زواجك بعد شهرين عطني فوقهم شعر زياده
نايف الي كان مستبعد انه ينفذ: عطيتك لك
نواف استانس: وناسه
سلمان: اجل انا وش يقعدني ابعرس وشهر العسل عليك
نايف: لاوالله قالوك بنك اعرس ابوي حمد موب مقصر
سلمان: لا تصدق عاد
جت العنود: هلا عمي عندنا توني بجي عندكم
سلمان: وش عندك بتجين عندنا
العنود: ابد ندى جايبه من صالون كذا وحده وقالت لنا نجي عندها وفهده نايمه هناك
نواف: انا طالع تبين اوديك
راشد: نايف قم تحمم عشاني مديني اوديك
نايف: اقول ترى انا الكبير ولا نسيتو
راشد: انت كبير وانا متزوج تعادلنا قم يلله
راح نايف
العنودونواف بالسياره
العنود: نواف
نواف: هلا
العنود:تتوقع عماني يجون
نواف: عنود لاتفكرين فيهم اذاهم جو اهلا وسهلا واذا مو جاين وشلنا فيهم
العنود: اخاف يسوون شي
نواف: لا ان شالله.
ا
وصلت ونزلت دخلت عند البنات
العنود: سلللللللللااااااااااااااام
في واحد هنا مين يربي مين والله مدري اكيد مروان ولا واحد من العيال منيب فاتشه الين اوصل لغرفه البنات
العنود: هلا بنات دخلت غرفه نسايم
اندى: هلايلله بسرعه اختاريلك شي تسوينه بشعرك نبي نجهز بدري
العنود: طيب ..طيب الا من عندكم تحت؟
نهى:يوووووووووووووووه هذا خالي طلا ل جاي عندنا
العنود:لا اقصد احد شباب
نهى: هو عمره 20
العنود: والله يحليله بزر
نهى: عن الغلط
العنود: اي احد اصغر مني بزر وستين بزر
فهده: اجل ضعنا بالطوشه
العنود: وين العروس
ندى: لاتسالين
العنود: ليش
ندى:من قامت وهي تاكل سنكرز شوفيها بغرفتي عنود بروح اسلم عليها
راحت العنود وضحكت على نسايم
نسايم قاعده وجنبها قراطيس السنكرز شكلها مخلصه الكرتون
العنود: قومي لايجيك سكر علينا
نسايم: هلا هااه لا خليني
ام فهد دخلت: نساااااااايم الحين بتعرسين وللحين تاكلين سنكرز قومي قومي خليهم يعدلون مكياجك
تحت طلال وفهد
فهد: اقول طلول لايكثر يعني والبس ثوب
طلال: مااعرف ليش انت مو مصدق
فهد: اقول وش ماتعرف يبيلها اصلا رح البسه الله يهديك
طلال:طيب ليش ماالبس كاجول عادي
فهد: كاجول ووشمك يالمملوح وين توديه
طلالا: عادي مايهم يشوفونه
فهد: اقول قم لا تشوه سمعتنا يكفي اني صابر عليك.
طلال: اوف طيب وطلع وهو يتحرطم
(طلال طول عمره عايش برى من بدايه مراهقته فصاير داج على اصوله )
جت الجده: عقبالك يافهد
فهد بخبث: خليك مني وشوفي ولدك يبي يعرس ذابحني بس مستحي يتكلم
الجده: صدق والله اليوم لاتشوفوله احلى البنات
فهد:ايه لاتقصرين دوري له دامه يبي يعرس بسس الظاهر هو حاط هينه على وحده
الجده: صادق منهي؟؟؟؟(كانت تقولها بلهفه ودها تزوجه)
فهد:مدري عنه بس يحبها
الجد: حاول تعرف مين بخطبها وسويها له مفاجاه
فهد: انا اعرف بس هو قالي لاتقول بس عشانك جدتي بقول.........
طلعت الجده بعد مادخل فهد المعلومات الخطاء براسها
فهد:ههههههههههههههههههههههههههههههه صدقت
ــــــــــــــــــــــ
جهزت نسايم وهي قاعده فوق متوتره والبنات يتناوبون عنددها
العنود: ابنزل رهف تقول جت بنزلها(العنود كانت تبي تعرف وش صار على رهف امس)
العنود وقفت عند الباب وجت رهف دخلت هي وياها للصاله وجلست تتكلم هي وياها الصاله كان فيها بعض المعزومين
رهف: هلا عنود
العنود: هلا كيفك
رهف ابتسمت بحزن مالي ملامح وجهها: بخير
العنود: رهوف قولي لي وش صار
رهف: وش اقولك وش اخلي مو لازم خليها بعدين
العنود:لا الحــ..... قطع عليهم دخول مرأه كاشخه مبين على ملامحها الهيبه والقوه
رهف: العنود وش فيك؟
العنود رفعت اصبعها على هذي المراه ببطئ: هذي ....هذي مرت عي
رهف التفتت وشافتها:طيب روحي سلمي عليها
العنود: لالا مدري اواهووو بطلع فوق
طلعت العنودفوق
رهف: لحقتها دخلت سلمت لى نسايم وجلست جنب العنود
رهف: العنود وش فيك
العنود: هذي مرت عمي
رهف: طيب
العنود: انا ماابيها تشوفني
رهف: طيب ليش هي ماتعاملكم زين.
العنود: ابدا بالعكسس بس............
رهف: وشو
العنود: ماابيها تشوفني خاف تخطبني للولدها
رهف:ههههههه يالواثقه احسب عندك شي قومي انزلي سلمي عليها يلله
العنود: بلاك ماتدرين وش السالفه تحسبيتنها بهالبساطه
رهف: اقول انزلي لايكثر
العنود: غصب عني بنزل نزلت
لطيفه: العنود يمه تعالي سلمي على مرت عمك
العنودياربيييييه : هلا خالتي
ام احمد: هلا العنود كيفك
العنود: بخير
العنود: عن اذنكم
ـــــــــــــــ
عند الررجال
ابو عبد فهد: مروان قم صب
مروان:طيب......خلف الله(هذا صبي يصب عندهم)
خلف الله :نعم
مروان: صب لهم
ابو فعهد: مروان اذا قلت صب صب انت لاتكثر كلام
خلف الله: خلاص عمي انا اصب
مروان: ياحلوك
مشعل: مروان خل ندور شي نسويه ترى طفشنا
مروان: ماعندي شي اسويه مالنا الا ننتظر اذا جتاللياعه 10 ببتبدا الفله اصبر
++++++
فهد:مبروك مبروك عقبالك ياسلمان
سلمان استغرب: ليش انا
فهد ( في نفسه ههه ماتدري عن اللي بيجيك): بس يعني عيال اختك تزوجو ما بقى الا انت
سلمان: وانت
فهد: لا انا توني صغير
ي\سلمان: ياثقل دمك
نايف: بس اسكتو جا الشيخ
جا الشيخ وسو وملكو
طلال انابدخل بالدفتر للنسايم طالبك يازوج اختي
ابو فهد: لك ماطلبت رح
طلا ل: ياولد
نهى: ادخل مافي احد بنات تغطو تغطو البنات
طلال: يلله بانسايم وقعي على دفترالشقى
نسايم: لاتروعني اكثر ترى مو ناقصه
طلال:ههههههههههههههههه وقعي وقعي بس انا ايش عرفني بالزواج اذا صرت اصغر منك
نسايم: مسكت القلم بتوقع والبنات يناظرونها بعدين رفعت يدها
فهده: في غلط شوفي
نسايم: وشو
فهده: كاتبين نسيم رجعوه خلهم يحطون الف
نسايم: احسب عندك سالفه انا نسيم
فهده: محد قالي ونسايم مين
نسايم: نسايم دلع ونسيم اسمي زيين
نسايم اووف خليني اوقع ومسكت القلم والكل ينتظرها
نسايم:ماعرف اوقع كل مره لي توقيع
العنود: طيحيتي قلبي احسب عندك سالفه
نهى: شخبطي ويطلع توقيع
نسايم: لا والله ابدا حياتي بشخابيط
فهده: اقووووول اخلصي عن الدلع
نسايم" بسم الله وقعت واخيرا
ام فهد سلمت على بنتها وصاحت مع كم دمعها ونسايم بعد
الجده: مبروك يابنيتي منك المال ومنه العيال
نايف: بالمجلس يباركون له ويسلمون عليه بس شد انتباهه عمه وولده اللي جو
ابو احمد: مبروك ياوليدي
نايف: الله يبارك فيك عمي عقبال احمد
ابو احمد: على يدك ان شالله
نايف مافهم ابتسم
احمد: مبروك نايف
نايف: عقبال وينك ياشيخ ماتنشاف من دخلت طب وانا مانشوفك
احمد: انت قلتها طب يعني طبيت طبه ماطلع منها الا وقت الضروره
سلمو البقيه ومر لوقت
نهى: نسايم امي تقول انزلي
نسايم: ايش
نهى: انزلي يلله
نسايم:ياربيييييه خايفه
ندى: لاتخافين اصلا مافي احد تحت يلله
نسايم: بسم الله
انزلو البنات قبلها ابقى معها الا ندى والعنود
نزلت وصلت الكوشه اللي كانت هديه من العنود كانت عباره عن قلب من الورد الورديي كبير ومكتوب بالورد الابيض نسايم ونايف
كانت مبهوره لان اللممر والدرج كانو فيهم نفس الورود وصلت وجلست بعد فتره
فهد: يلله نايف بندخل
نايف كان ماخذ الموضوع ببساطه بس يوم صار بيدخل حس انه بدى يتوتر
نواف قام بيروح معهم
نايف: وين وين
نواف: اخوي لازم اازرك بجي معك
نايف: اقول اجلس بس
نواف: اخخص يللي تغار
مروان: هيه من اللي جالس يغث النسيب
نواف: الله والنسييب
فهد طل عليهم براسه:ماودك تجي ترى ابوي وعماني بعصبون
دخلو العمام وسلمان كان معهم ومروان وفهد وطلال
نايف: ماناظر نسايم ابدد ولا له نيه الاخ وصلو عندها وقفت وسلمت عليه ونايف ناظرها كان شكلها غير ماتشببه عمامها ابد
كانت غير عن كل تخيلاته سلم عليها ولبسها طقم الالماس وجلس جنبها سلمو عليها العمام
سلمان: والله عملتيها يانسايم وتزوجتي قبلي
نسايم: مستحييييه:
جت العمه وسلمت على نسايم وبعدها سلمت على نايف ضمته بكل قوتها وصاحت كانت تتمنى هذي اللحظه واخيرا جت
نايف يلوم نفسه اااه يمه حرمتك من هالفرحه
ام فهد: سلمت على نايف: مبروك ياوليدي منك المال ومنها العيال
نايف: الله يبارك فيك ياخاله عقبال فهد
دخل فهد عرض: وش فيه فهد؟
ام فهد: ابد بنزوجك
فهد: لالالا انسي
ام فهدة: الله يهديك......يلله ياوليدي ماودك تجلس انت وحرمتك بلحالكم والله اخاف عليكم من احسد
سلمان: مروووان وش تسوي؟
مروان: ابد ابحث بالبلوتوث يمكن نلقى وحده من هالمزايين تعطينا وجه
سلمان: يللي ماتستحي بيت ابوك وترقم فيه
مروان: لحوووول وش دخل هذا في هذا....أقول سلمان خلنا نرقص
سلمان: والله فكره اصبر...........فهد نبي نرقص
فهد: الله يفضحكم اطلعو انتم ترقصون اطلعو بالزواج ان شالله
مروان: ماعندكم سالفه
طبعا البنات كاااااااانو منهبلين على جمال سلمان وشخصيه نايف وكل وحده تعطي من راسها صوت
مروان يحياتتي محد ناظره وطلال كان مشمئز من الجو
راحو نسايم ونايف
نايف جلس جنبها ( لازم اسوي زي ماقاللي راشدد حرام البنت شكلها رقيقه)
نايف: كيفك نسايم
نسايم يالله طلع منها الحكي : بخير
نايف: مبروك
نسايم : الله يبارك فيك
نايف:...بعمرك ان شالله
نسايم":ـــــــــ
نايف:ـــــــــــــــ
نايف يبي يسولف بس هي منزله راسها وماسكه الورود وجالسه
مد نايف يده وشال الورود وحطها على جنب
نايف: نسايم ..نسايم
نسايم: نعم
نايف: طيب ناظريني ماني خابر اني شين لهدرجه
نسايم: ابتسمت غصب عنها والتفتت
نايف:اخيرا مابغيتي
نسايم:ـــــــــــ
نايف: مابطول عليك وان شالله نكمل سوالفنا بالجوال (نسايم انتبهت هنا) فمان الله
نسايم: مع السلامه
طلع نايف توه طالع تنفست نسايم للي يشوفها يقول هذي من شهر كاتمه نفسها
رجع دخل نايف: لهدرجه انا كاتم على نفسك
نسايم: هاه....لا لا بس....
نايف: بس ايش
نسايم نزلت راسها
نايف: طيب بس رجعت اباخذ رقمك
نسايم:اها طيب: خذ++++++++
نايف: اوكي مشكوره ترى رقمي فيه خمسات يعني اذا دقيت ردي
نسايم: بتتصل اليوم
نايف: امممم يمكن
نسايم: طيب
طلع دخلو عليها البنات استجواب كل وحده تسال
مشاعل: خلاااااااص حرام عليكم طفشتو البنت
نسايم:حراااااااام عليكم اقلقتوني
العنود: نسايم ترى بنام عندكم اليوم
نسايم: ليش
العنود: بس بشوف اذا كلمك نايف نفسي اشوف اخوي وهو رومنسي
نسايم: لا اجل روحي لبيتكم احسن
دخلت عليهم عبير وكرشتها قدامها : رهف خذي احلام هبلت بي
رهف: احلم تعالي عند خالتو
احلام: انا ابي اتذوج (تتزوج)
عبير: ياربيييييه بتجنني هالبنت وش تبين تتزوجين انتي انطقي الحروف صح ويصير خير
ساره: ما شالله عليها عسل
عبير: والله ماشفتي شي شي في الصبح وفوقت الدومات ماتبي تروح المدرسه بتتزوج وماتبي تقص شعرها ببتتزوج
اقلقتني بعيشتي هي وهذا الزواج
ساره:هههههههههههههههههههههههههه
رن جوال ساره:
ساره: هلا
فارس: هلا سوسو
ساره: نعم
فارس: تعالي ابيك تشوفيني وانا لابس ثوب وغتره
ساره طمرت من مكانها : من جــــــد
فارس: ايه يلله تعالي
ساره: طيب
العنود: وش عندك
ساره: بشوف فارس لابس ثوب سعودي
البنات: حسو بغربتها اللي عايشتها الحاه كانت غير فرحتها كانت من قلب ولو انه شي تافهه
طلعت وخذت جوالها
فارس: وش رايك
ساره: تجنن متى اشتريته؟
فارس: اليوم العصر رحت مع عبد العزيز
ساره: واااااو خطير شكلك
فارس: وانتي فستانك يجنن ولو انه
ساره: قصير عارفه عارفه......اصبر وقف ابصورك
وجلست ساره تصوووور فيه الين طفش راح وخلاها
رجعت ساره:بنات شكله جنااااااان
رهف اللي كانت محزنه ومكتئبه حست االدنيا تضيق فيها
العنوود: رهف تعالي ابيك شوي
رهف: طيب طلعت هي وياها
العنود: قولي لي السالفه
رهف: بدت تقص عليهها
العنود: يووووه والله عزيز ماراح يتركك ابدا الا ان يعرف
رهف: لاتضيقين خلقي ترى مو ناقصه
العنود: طيب بس لازم تنتبهين على نفسك ومع تعاملك للساره
رهف: وش فيه
العنود: انتي تعاملينها بجفا ومره بالصدفه سمعتها تقول كذا يعني البنت حاسه
لازم تفصلين بين الامور هي مالها ذنب
رهف: طيب خلاص سكري على الموضوع
رجعو للبنات
سلمان: ياولد
تغطو اللي يتغطون
سلمان: دخل وهو معصببببب: وين اخوك قليل الخاتمه
نهى: ليش؟ وش مسوي مروانوه
سلمان: ليته كان ماشرهنا عليه هذا قليل الخاتمه فهد
فهده بلقافه: وش مسوي؟؟
سلمان: مكذب على امي وقايلها اني ابتزوج ومخرف قصه حب وقيلها اسم بنت ثانيه
العنود: يعني فيه وحده
سلمان بلا شعور: ايه فيه
ندى: واااااو عندنا عاشق وانا ماندري
سلمان عصب من قلب: موب منكم من اللي جاي يسالكم
نهى: لاتزعل عمي تعال اقعد وروق وقلنا من تحب وانا نخطبها لك
سلمان: ماينفع اقول بس ابقعد لانو لو شفته وذبحته حلال
جلس سلمان: وانتبه للي متغطين وجلس يفكر شووووي وفجائه ضرب راسه بكفه
فهده: وش فيك
سلمان: لالاخربت عز الله اعرسنا وخرو وطلع
والبنات متفاجات منه
ومشاعل(مايستحي انه يقول احب والله انك ولد خال وائل)
سلمان: دخل جوا : ياولللللللللد
معصب: يمه يمه وينك
الجده: هلا انا هنا مع مرت خالك
سلمان: ابيك بموضوع مهم
الجده: مايتاجل
سلمان: لا ابد
الجده: طيب تعال هنا والله رجلاتي توجعني من كثر ماقمت وسلمت
سلمان: طيب بجيكم (بفكر اقول ولا مااقول اقول خلك رجال انت بتعرس تكلم ولا تستحي)
سلمان: سلاام
العجايز: وعليكم
الجده: وش عندك ياوليدي
سلمان: يمه صح فهد قالك اني ناوي اتزوج صح
الجده: ايه صح للولولولولولولولولش
سلمان: ياعجلك يمه اصبري لاتفرحين لا اذا اتفقنا على كل شي
الجده: نتفق وش ورانا؟
سلمان: انا صراحه حاط عيني على وحده وابيها ومنيب متزوج غيرها
مرت خالهم مستغربه وش هالفري يفتح موضوع مثل هذا قدامها بس ماعلقت
الجده: ايه عرفتها قالي فهد بنت فلان
سلمان: لا الله يحيك مهيب بنت فلان
الجده: اجل مين؟
سلمان بحيا عيال:بقولك بس الحين تخطبينها؟
الجده : انهبلت الساعه11
سلمان: لا ماتعوق بس قولي تم
الجده: تم
سلمان: ابي مشاعل بنت خالي سعد
الجده: بس هذا مرت خالك قدامك اخطبها
سلمان فرح بقووه: يامرت خالي اخطب منك مشاعل لي زوجه
مرت الخال اخر شي تتوقعه هذا الشي:
مشاعل كانت بتدخل تنادي امها لان ابوها رجع وياسر بيطلع الحين انصـدمت معقوله بيني
بسم الله الصدمه اثرت عليها ووقفت عند الباب
سلمان: وش قلتي؟
ام ياسر: والله مااقول الا ونعم فيك ورجال ومانترد بس لازم اشاور البنت وابوها
سلمان: طيب بس بكره الصبح ردي لالا بكره الصبح بصير نايم واكيد ابوي بيهاوشني الين اقوم للصلاه الجمعه مم
طيب خلاص بعد صلاه الجمعه ابي الرد
ام ياسر:هههههههه لاياوليدي مافي وقت تفكر
سلمان: يوووه ياحبكم تعقدون الامور
الجده: سلمان اصطلب وش هاطفاقه
سلمان: زين متى<< قالها من دون نفس
م ياسر: الاثنين
سلمان: يوووووه الا ثنين ترى انا ولد عمتها ومالين مني مايبيلها
الجده: خلاص الاحد ولا تكثر حكي قم استح على وجهك
سلمان: طيبب طلع بس فرحته غطت على حزنه بتاخر رد
طلع ولقى مشاعل واقفه كانت لابسه عبايتها
سلمان: ابتسم ذيك الا بتسامه اللي فيها الف معنى وراح
مشاعل: صنمتتتت ماتحركت من مكانها
سلمان: دخل المجلس
فهد: يووووه اسف والله اسف الحين بقولهااني اكذب
بس سلمان لاحياه لمن تنادي مشي مشي لين وصل له
راح حب راسه
فهد:.؟؟؟ سلامات؟؟؟؟؟؟؟؟؟؟؟
سلمان: ابتزوج ابتزوج مشكوور هذا عيال الاخوان ولا بلاش
الشباب:؟؟؟؟؟؟؟؟؟؟؟ كل واحد على وجهه علامه استفهام اكبر من الثاني
ياسر: ياربيه مشاعل هذي بتذبحني ادق ماترد علي سنه عشان يطلعون
سلمان: ابتسم ابتسامه عريضه وهو يناظر ياسر
ياسر: خير الاخ معجب .....سلمانوه لاتناظرني كذا بديت اشك بنفسي
سلمان: للالا تشك يالنسيب
ياسر: وشلون ما شك وانت طايح مناظر تقول حرمتك........ لحظه لحظه من النسيب
سلمان: انت
يارس: كيف؟
سلمان: اقول تيسر وبعدين تعرف
ياسر: خلف الله علي بس كلكم ماخذيني طنازه
خلف الله: نعم عمي
ياسر: لابد كنت ادعي لنفسي وادامك رديت قم لاهنت وخلهم ينادون مشاعل وام ياسر ويجون
وائل: لاخلني انا اروح
فهد: لالا الا انت ماتروح عارفك ماتخلي احد من شرك بتقعد تاذي البنت
وائل: اي بنت
فهد: مدري والله ....خلاص خلف الله روح وقول للحسنا تناديهم
عند البنات:
نسايم: مشاعل بلا سخافه نامي عندنا
مشاعل كانت مو بوعيها: هاه...لألا مااقدر
نهى:ليش
مشاعل: بس واالله مااقدر يللله باي
وطلعت ولا خلت لهم مجال
ركبت السياره:
ياسر: كان قعدتي بعد
مشاعل: البنات كانو يكلموني
ياسر: والله ماذبحنا الا البنات
ام ياسر: تدري اليوم مشاعل انخطبت
ياسر: والله مين خطبها؟
ام ياسر: سلمان ولد عمتك
ياسر: وقف السياره بسرعه على جنب طلعت الكفرات صوت
ام ياسر: خير ياوليدي وش فيك خرعتني
وائل: اخص يللي تفحط حلوه بس خل ننزل الحريم ونكمل
ياسر: صدق سلمان خطب مشاعل
ام ياسر: ايه وش فيك
ياسر: بعذره قاعد يلمح وانا مدريت عن هوى داره
لن ياسر: مسيكين لو تشوف وشلون جل يكلم امه تقول البنت بتطير من يده والله انه خطبها شخصيا
مني
وائل: موب هين سلمان ويعرف يخطب بعد هذا الناس موب انا خلف الله علي
ام ياسر: وانت كل لسان اصلا تقول ابخطي انجح ويصير خير
(مشاعل كانت محترقه الله يهديك يمه مافي مكان تفتحين فيه هذي السالفه الا في السياره وعندهم ونعم الام)
ام ياسر: وش رايك مشاعل
مشاعل: هاه....مدري بفكر
ام ياسر: ترى هو يبي الرد الا حد الصبح
مشاعل: ايش الاحد والصبح زين بفكر واستخير وردلكم
في مجلس الرجال
خلف الله: عمي عبد العزيز الوالده تقول اشرب هذا
عبد العزيز: استغفر الله امي ماتتوب طيب الله يعافيك حطه هنا
فارس: وش فيك ليش تتافف
عبد العزيز: والله ياخوي امي مهي مقتنعه فيني
فارس: كيف
عبد العزيز: انا اقولك هذا ياطويل العمر وصلت للعمر 13 وانا انسان شقي ومزعج ومافي احد مااذيه
وحالتي صعبه يوم صار عمري 15 هجدت هديت مره وحده وامي تحسب فيني عين على الرايحه والجايه تجيبلي ماء مقري فيه
والا يومك مهي راضيه تصدق اني تغيرت كذا عمري24 ولهي مصدقه
فارس: اها الامهات محد يقدر يغيرهم يخافون من الهوى الطاير
------((يتبع))-----