البارت السادس عشر
عند البنات:
رهف: شكله لعب عليها بكلمتين شوفيها طلعت بسرعه
ندى: والله خفت تتكرفس
فهده: نهىىىىى ياتافهه حطي اغنيه راشد الفارس حقت المنتخب احبها
نهى بيدها الريموت وسافهتها
فهده: يلللللله نهى
نهى: لا منيب
فهده: وليش ان شالله؟
نهى: من قاله مايلبس ثوب وغتره
فهده: حطيها والله ترقص
,,,,,,,,وووووو,,,,,,,,,,,,,وووووو
الجد: هلا والله
الجده: لا تتغزل ترى ماجيت الاعشان سلطان
الجد: وقالها السالفه والجده تصيييييييح
دخلت جوى
لطيفه: يمه وش فيك عسى ماشر
البنات طلعو
العنود: لاتقولون جدي سواها وتزوج
فهده: لايكون طلقك
العمه لطيفه: وجججججججججع اسكتو
وبعدين ماش الفضول ذبحهم والجده بس تصيح راحت للغرفه هي ولطيفه عشان تقولها
ــــــــــــــــــــــــــــــــــــــــــــــــــ ــــــــــــــــــــــــــ
عند الشباب:
نايف: الا انت وش تدرس يافارس
فارس: ادرس ارتست
مشعل: ماشالله داخل طب
رامي: وانا اقول قعدت فاسبانيا ميب لله
نواف: يلقراااوى ارتست يعني فنون
تصورو اشكال البيبسي
ويرن جوال سلمان وكانت نهى المتصله
سلمان: الله البلشه وش سوي اكيد لقافه مب حب فيني
حمد: عطني انا برد
سلمان: خذ وقلهم سلمان طار مات انهبل أي شي ماسوت علينا هاعمومه
حمد:.......
نهى: عميييييييي
حمد:الو
نهى: عمي امي ساره تصيح وحالتها حاله وش فيكم
حمدويسوي نفسه بنت:لاتقولين مسيكينه حرام
نهى: سلمان بلاهبال
حمد وخشن صوته من المهبول انا ولا انتي
نهى: وجع اف الله يقلب راسك صكت السماعه بوجهه
حمد: بخيبه امل : صكته
سلمان: اهم شي انها راحت
ويرن جوال سلمان:
سلمان:منب راد منب راد واللي يصير يصير
مشعل: هذي عمتي لطيفه
سلمان: اوه اوه هذي ماتدق الا وعندها خبر يلله جبه خليني ارد
خذى سلمان الجوال ورد
لطيفه: صدق ولد سلطان معكم
سلمان: ايه صدق يابنت الحلال لاتصيحين
لطيفه: امي تبي تشوفه تعال انت وياه للصاله
سلمان: متاثر وفي نفسه فضول يعرف كل شي عن اخوه
: طيب طيب بنجي
سلمان سكر السماعه
سلمان: فارس
فارس اللي كان سرحان يناظر جده: هاه بغيتني
سلمان: أي والله اريدك تجي معي الصاله تسلم على يدتك وعمتك
فارس ابتسم لانه يقلد لكنته الاماراتيه اللي خذها من امه: طيب
مشو للممر وفارس بدى يتوتر مسكه سلمان وابتسم
دخلو
ــــــــــــــــــــــــــــــــــــــــــــــــــ ـــــــــــــــــــــــــــــــ
البنات مشغلين شريط احلام وهبااااااااال ومصارخ كانهم موب بنفس الاستراحهه
ــــــــــــــــــــــــــــــــــــــــــــــــــ ـــــــــــــــــــــــــــــ
سلمان: ادخل هذي جدتك
الجده تصيح: هلا بريحه ولدي هلا بولدي الثاني ولمته وهي تصيييييح
سلمان: بس يمه روعتو الولد
فارس" لا خلها تطلع اللي بخاطرها انا ماجيتكم الا عشان كذا
يمه ساره(قالها بطريقه غير عن باقي كلامه)
ساره: لبييييه
فارس: لبيتي في منى سامحتي ابوي
الجده: مسمووووح مسموح قلبي وربي راضين عليه
فارس ابتسم الدنيا بدت تضحك له
سلمان: هذي عمتك لطيفه
لطيفه: هلا والله ولمته مع بعض الدموع والسؤال عن الاحوال
سلمان: وهذول المتغطين حريم عمانك
فارس: سلم عليهم
الجده: والله ماتطلع انك تقعد معي
فارس: ابشري ماطلبتي يام عبد الرحمن
البنات بدت اصواتهم تصير عاليه لاتطاق ابدا
الجد مشت ودزت الباب بعصاتها
الجده: بس يابننااااااااااات فيذا رجال غريب
فارس يوم قالت هالكلمه نزل راسه واختفت ابتسامته
العمه لطيفه تداركت الموضوع:يمه مافيه احد غريب
الجده: ولو ولد عمهم اول مره يجي وهم يردحون عيب
ومشى الوقت الساااااااااااااااااااااااااعه 3 الفجر
فارس: عن اذنكم بروح الفندق
نواف: اسمع أي فندق واهلك باستراحه اقول اقعد وخلك رجال
سلمان: منتب طالع لو ايش بذا الحزه اغراظك معك
فارس: ايه
سلمان: اجل خلاص رح جبها ومالك طلعه من هنا
فارس فرح تقول معطينه الدنيا ومافيها
راح وجاب شنطه ملابس وشنطه اللاب توب وشنطه مستطيله وسخيفه وشكلها غريب
جلس معهم شوي رن جواله ورد
فارس: هلا حبيبتي وش حالك............لا الحمد الله..........بخير الله يسلمك........والوالده شخبارها..........الاحوال يسرك الحال من كل صوب..................زييييييييين( وبعدين بدى يتكلم باانجليزي) مشعل يكلم وائل ماشالله يرطن انجليزي
وائل: الله ينتعنا من ثالث ويصير خيييير
سكرها عاد نواف بدى بالغلاسه
نواف: فارس
فارس: هلا
نواف: كلنا عندنا حبايب نكلمهم بس موب كذ علننا يعني في ناس لصغار ويناظر جهه البيبسي
فارس:هههههههه انت فاهم غلط انا اكلم اختي
سلمان: اخصص عندي بنت اخو حركااااااات
فارس: عندكم بنت عمرها 19
سلمان استغرب وش هذا الاسؤال
فهد: ايه ندى اختي
نواف كل هالسان على ام 19 والله احسبها كبر العنود
فارس: اشوا عشان اذا جت تلقى احد تقعد معه
سلمان: لاتخاف احنا البنات مسوين حزب جماعي من فوق ال15 الى ال25
عبد العزيز:انت كم عنك من اخو اواخت
فارس: ماعندي الا ساره الله يخليها لي
حمد يكلم عبد العزيز: ماشالله شفت شلون يكلم اخته ولا وشلون يتكلم عنها ولوها فهده كان مانتفاهم الا بنعال
عبد العزيز ابتسم غصب
فارس: عن اذنكم بغير ملا بسي
مروان: اذنك معك
مشعل: وخشمك وقامو البيبسي يضحكون :هههههههههه
رجع لهم فارس لابس برمودا بيج وبلوزه كات سودا فيها رسومات بال بيج
سلمان: اذن قومو الصلااااااه
فارس: يللللللللللللللللللله
البنات
نهى: ياناس بموت طفش
رهف: مالنا الا عمي
مشاعل: ابي اكشن هبال والله طفشنا
نسايم: خلوها علي اانا بقنعه
ندى: يلله يدلوعه سلمان
ــــــــــــــــــــــــــــــــــــــــــــــــــ ــــــــــــــــــــــــــــــــــ
صلو الشباب يوم خلصو فتح فارس الشنطه المستطيله وطلعت عده رسم كامله
سلمان: يلله ارسمني
فارس: فالك طيب ماطلبت شي يابو حمد
وقعد يرسم خلصها في ربع ساعه وكانت مرسومه بالواان فحم
سلمان:وااااااااااااااااااااو والله انك حركه بصوره طلعت احلى
نواف: اخص والله منتب هين
وقعدو يمدحون رسمه
سلمان:بروح اوريها البنات
ــــــــــــــــــــــــــــــــــــــــــــــــــ ــــــــــــــــــــــــــ
البنات قاعدين ينسقون اسلوب الا ستعطاف عشان يطلعون بهم
فهده: ترى تكفى تهز رجال
ناديه: انا سمعت ان الدموع تهز الرجال
فهد: اجل يلله صييحي عطينا دمعتين
ناديه: مااستهبل صدق
ومن بين المشاورات
سلمان: يااااااااااااااااااااااااولد
ناديه ومشاعل نطو يتغطون ومافيه شي غير البطانيه
اندعسو فيها
سلمان: بنات بوريكم شي
العنود: وشو
طلع سلمان الرسمه
البنات اعجبتهم مررررررره
رهف: اكيد انه رسام في باريس ولا شي
فهده: لا انا اقول هذي بوهته نفسها يعني تازه
سلمان: هذي فارس رسمها
رهف التفتت بسرعه
نسايم : من فارس
فهده: وتعرف تخاوي ناس يرسمونك
سلمان: صح ماعندكم خبر اجل اسمعو:..........
وقالهم السالفه
وتحت البطانيه: مشاعل: اختنقت حرررررر
ناديه: ابموت وش ذا مبلط
نسايم: عمي طلبتك قل تم
سلمان": تم
فهده: نبيك نفحطبنا وتقحص بنا بس
سلمان: بس
نهى: ايه بس ترى احنا ماتنتطلب
سلمان: طيب بس ترى فارس بيركب معنا
البنات: طيب ييييييييللللللله
......
يللللللللله يابنات بس ترى فارس بيركب معنا
البنات: طيب يلله
رهف طول ماهو يقص لهم السالفه متوتره معقوله الصدف تجمعني فيه بس كيف حتى قبل امس هو قالي انه بيروح للاهله بس شلون بسم الله الرحمن الرحيم اعوذ بالله
فهده: يللللللللللله بنروح اسرعو
رهف: دقيقه بروح لجيب عبايتي
نهى: بلا مثاليه ترى وشو كله عمي وذا الفارس موب مناظر تلقينه طفش من الحريم
رهف: طيب بس ياخذ الجلال
وراحو البنات اندحشو بالجمس
سلمان: لا االه الا الله مسرع ركبتو
العنود: ترى الناس تسلم اول ماتدخل
سلمان:طيب ا.....السلام عليكم
البنات بصوت عالي خالي من أي رقه: وعليكم السلام ورحمه الله وبركاته
سلمان: حشى مدرسه
نسايم:نبي ناخذ الاجر كامل
جا فارس وفتح الباب
سلمان: فارس تفضل ماحولك احد هذول بنات عمك وبنات خالك قرب قرب
فارس: السلام
البنات بردود متفرقه وبصوت رقيق وناعم: وعليكم السلام
سلمان: شوف انت بترتاع من هالكم الهائل وعشان كذا بعرفك عليهم عشان تروح بركتهم
فهده: وليش تروح بركتنا
سلمان: اوص ولا كلمه انتي
نبدا بللي وراك
هذي نسايم خطيبه نايف
نسايم: هلا فارس كيفك
فارس: الحمد الله وش حالك انتي
نسايم: بخير
سلمان: الل بعدو
هذي فهده اطول لسان بتاريخ العائله
فهده: هلا ابو الفوارس الحمد الله عاسلامه
فارس بين على ملامح وجهه الاستغراب منها
فارس: الله يسلمك
سلمان: واللي بعدو نهى اخت نسايم
نهى: االحمد الله على سلامتك
فارس: الله يسلمك
سلمان: اللي بعدو
هذي ندى اختهم بعد
ندى: هلا بك
فارس: هلافيك
سلمان: وهذي العنود
العنود: نورت الرياض
فارس: بوجودك
سلمان وهناك عاد بنات خوالي ثنتينن وحده مشاعل وحده ناديه
وهذي الي باخر شي رهف
فارس ماكان يناظرهم يوم قالو رهف التفت
فارس: هلا رهف وش حالك
رهف مصدووووومه هو هو وشلون لا لامو هو
: الحمد الله
سلمان: يله بدينا
وسلمان بدى يفحححححححط فارس ماسك بحزام الامان
فارس: واللي يرحم والديك وقف هدي شنو هذا
فهده نطت بالنص ومسكت كتف فارس:
فهده: خلك كول لاتخاف خلك رجال وناسه ياشيخ وهي تصارخ واااااااااو
فارس من بين المطبات اللي كان يسويها سلمان
: هيه انتي وخري عني وكل شي يصير زين ابعدي
اما فارس يقول وش تبي ذي بنفسه
اما ورى الوضع غير
ناديه سحبت الجلال اللي مشتركه فيه هي ومشاعل
مشاعل: هيييييييييه رجعيه بيشوفني سلمان
رهف: مشاعل وش فيك
ممشاعل: ذا دبا خذت جلالي بيشوفني سلمان ياربيييه
رهف: ماتسمعها
مشاعل طمنت راسها وصارت عن رجلينهم
مشاعل: اقولك سلمااااااااااااااان بييشوفني
رهف: ايييييييييييش
مشاعل: سلماااان سلماااااااااااااان بيشوفني
رهف: ماسمعك الشباك اللي عندي مفتوح
مشاعل باعلى صوتها: سلماااااااااااااااااااااااااااااااااااان
فجائه وقف الجمس واللي فيه اهجدو
البنات
ليش وماليش ووش صار
سلمان التفت: احد ناداني
فهده: يروقك ياشيخ قاطع وناستنا عشان احد مناديك حرك حرك
فارس: لالا رجعني للبيت انتو ليش تسون كذا
فهده: زياده للمغامره
فارس: انتي متاكده ان عندك قلب
فهده: اكييييييييييد
فارس: ماشالله ( صدق فارس كان مبهور بعمره ماجازف كذا وسواها)
وصلو للاستراحه
البنات بدو ينزلون
فارس مسيكين تسند على الجدار تعب من كثر مارجو راسه<<<بيتعود مع الزمن
البنات ينزلون رهف تناظره على ماينزلون البنات تبي تتاكد هل هو حلم ولا حقيقه نفسه ولا لا
فارس ممرر اصابعه من بين شعره عنا رهف شهقت هوهو معقوللللللله ياربي وش اسوي لا اصلا كله مني من قالي اغلط واكلمه طيب واذا صرت غلطانه اسولف معه ياربيييييييييييه
نزلت رهف ولزقت بالعنود
رهف: العنود
العنود: وشو
رهف: هو هو
العنود: وشو اللي هو
رهف: هو فارس نفسه
العنود: وانا عندنا فارسين هو واحد<<المخ قفل
رهف: يادلخه هو نفسه اللي الماسنجر
العنود: كذاااااابه
رهف: والله
سلمان: وش تقولون ياسوس
العنود: ابد سوالف
سلمان: علي انا سوالف قولو لي وش تخططون
العنود: والله مانخطط للشي
سلمان: هل مره سماح يلله بس ادري انكم مخططين للشي من دوني اوريكم
العنود: ابشر
ــــــــــــــــــ((يتبع))ــــــــــــــــــــــــ ــ