مناسبة شفاء الشيخ متعب ابن مدبغ الكويكب
والحمد الله على سلامته ابو فهد
|
ياللي تهنوني .. على جية العيد =العيد عندي قومته بالسلامة
إنا حمدا للي قوم الشيخ ياعبيد=ياعل مانوحي عليه الندامة
شيخٍ بفعله مجدوه القوا صيد=من زود مآبه من شموخ وزعامة
شامخ جنابة ما يجي للمنا قيد=ماغيرت كبر المناصب نضامه
عزالله انك لاتسندت به حيد = ماخذ على اهل الطيب ذروة سنامه
يشيل حملٍ ماتشيله صناديد= فعله يسابق بالمواقف كلامه
ياعل يفدونه كثار الهرابيد = واهل الحسد والحقد واهل اللئامه
نبع ٍ لياجوه الخلايق مواريد = يروون من كف الكرم والشهامه
حرٍ على الطولات مايخطي الصيد = يومٍ غيره مثل راس النعامه
من لابة يوم اللقا بالبواريد = عدوهم ماذاق لذة منامه
متعب الياعدو كبار الاجاويد = محدٍ بفعل الطيب ياصل مقامه
بالطيب سيد كل من قال انا سيد = مانسى جميله لين يوم القيامه
ماهو كثير اقطع علشانه البيد = درعه والى منه بغاني حزامه
العيد ماهو فرحة الناس بالعيد = العيد والله قومته بالسلامه