•• السلام عليكم ورحمة الله وبركاته ••
يا صاحبي دام الفرح ناتـج الضيـق
اجل تفـاءل واحتفـل كلمـا ضقـت
لان التفائل مصـدر افـراح ويعيـق
حزنك ليا منك من الضيـق ماطقـت
نفسك ... ولا حتى اعز المخاليـق
بينك وبينه رابـط الشـوق علقـت
ما هو بكره فيه لكـن يبـس ريـق
صبرك من احلامـك ولاعـاد فرقـت
اصعد وخل الحلم فـوق الشواهيـق
ولا تلفت للي وراء الريـع لاسقـت
ركب الهقاوي ... والعزايم مطاليق
طير هداده يعجـب العيـن لا تقـت
لكن ترى حزنـك لطيـرك مسابيـق
ولا اصبحت اسير الحزن للهون دنقت
هد السبوق وتنفتـح لـك مغاليـق
وتعال شف فرحتـك لامنـك حققـت
حلم على شوفـه عيونـك غواريـق
في وقتها لمـوادع الحـزن صفقـت
ياخي الحياة جهـاد حـظ وتوافيـق
وبالعزم لأ تاخرت عالركـب لحقـت
يعني مسار فيـه اثـاره وتشويـق
واحساس ماتشعر به الا ليـا ذقـت
طعم النجاح وصار الانجـاز توثيـق
في صفحة امجادك ليا منـك وثقـت
هذا وانا اللي في حياتـي مطافيـق
احظوظ راحتبي مع المـد واغرقـت
في بحر حلم لـه عهـود ومواثيـق
كملي وانا لا مـن تذكرتـه ووقـت
على المحاني طال ليـل الطواريـق
يا وجد حالي كم على شوفه اشفقـت
اشتاق له وتحـن عـوج المعاليـق
والشوق جمره تحرقك كلما اشتقـت
انـام وأعيشـه بالاحـلام وأفـيـق
واقول يا ليتي من النـوم مـا فقـت
ازريت كتمانـه وتـدري المخاليـق
أليا دروا بك ضعف تبدا بك المقـت
فياصاحبي لا عاد تشكي من الضيـق
الضيق ما هو قلة الحيـل لا ضقـت
لاوالله الا الضيق واقسى من الضيق
فقدانك العزوهـ .. ليا ضامك الوقـت
اختكم:فيني دلع نادر..