السلام عليكم ورحمة الله وبركاته
قصيدتين أعجبني .. إن شاء الله تنال ع إعجابكم..
أترككم مع القصيدتين:
خابت ظنون اللي وثق في ظنونـه
انشهد ان بعض الاوادم ماهو شـي
ارسلت له بالخاص من باب مونـه
واليوم ماحصلت لي حـي بالحـي
ياليتنـي جبـت الميانـات دونـه
ماكنت احمل ضيقتي صاحبٍ لـي
ماجيـت ادور للمعـزب مهونـه
وشلون دامي وارثٍ حاتـم الطـي
اعطي رفيقي لين تقضـي ديونـه
واشرهه على راع المواجيب والعي
والا الردي خلـه يقلـب عيونـه
في ظلمةٍ ماجاله النـور والضـي
ننساه واهـل المرجلـه ينكرونـه
مادام ماهو عن لظا شمسنـا فـي
احدٍ على الطولات فسـر ردونـه
واحدٍ خذاه الكبر والجهـل والغـي
وانا مع الطيـب لحونـي لحونـه
اقدره وانبذ هـلا العيـب والسـي
طالـع وتلقـا بـالاوادم نمـونـه
تقصر منافيعه عن البـي والخـي
يمـوت بيـن النـاس مايعرفونـه
ماضاف في سيرت حياته ولاشـي
__________________________________________
إلى كل بنت طاهرة
مؤمنة أنها تحلي العفاف بشيمتها وحشمة اخوانها
يسعد مسا ثقل البنات العفيفات
اللي لعيون أخوانهن كانن الشوف
اللي بأبوهن شامخات وعزيزات
ودامن مادام أخوانهن سد وصفوف
ما فكّرن بلباس غالي ونيرات
ولا خصّرن قدّام الأجناب نفنوف
ما فرّعن وتبرّجن كل الأوقات
إلاّ لـمن يأمن عليهن من الخوف
بنات بيت أجواد ما هن رديّات
وبالستر دايم بيت الأجواد معروف
ترفات عز وللمعازيم قرمات
لا طبّت الوحدة محل حافته حوووف
تسمع بها سمع الفقر بالريالات
وتحلم بها حلم الغني براحة الجوف
متعلمات وبالمواقف عسيرات
متثقفات وعلمهن دوم موصوف
يا حظ من فاز بحدا هالأميرات
ومستقبله من يمّها صار مكشوف
يشوف معها الخير ومسامر الذات
يصرف ومعها ما يفكّر بمصروف
ينام بين عيونها وكلها سكات
ويصحى على دعواتها وربه يروف
يسعد مسا طهر البنات العفيفات
نسمع وكل ٍ بالستر ودّه يشوف