الله اعلم يابوغربي كل هذا مهو ببالي=واخبرك تدري بقدرك تضن فيني ماعهدتك
لوترديت بوصولك ماترديت بوصالي=هذا علمك يابوغربي طيب اصلك طاب حظك
لاتذكرت الرفاقه وين راحوا ومن بقالي=قمت اجمع يالسنافي ادمعت عيني وذكرتك
يفقدك منهو بمثلي مقترب واهملالي =مايعرف الاالدوام يشاهده ربي وربك
سجن في وسط الجبيل مضيعه قليل والي=بديرة اللي حتى جارك يابوغربي مايعرفك
ديرتن كلها مصانع شي من فوق الخيالي=والبنوك اللي تسابق كلها في كسرظهرك
ساكنن فيها وحيدن لاعمام ولاخوالي =والدوام اللي يتقلب زين ماضيعت اسمك
(؟) اللي من سمعها قال عزوكثرمالي=والبعض قالو ربا علمني وشهو صاركسبك
يمحق المال يتلاشى سبوع ماعندك ريالي=انت ناقص يابوغربي فوق هم تزيد ذنبك
ليت لي والله حلال من الغنم والله اشوالي=وما حلا كسب الحلال ولوتعبت وقل ربحك
الوكاد انك تداوم على كيفك ماتبالي=لارئيس فوق راسك يحاسبك في دق كرتك
متى ماتبي تداوم مهو طاير هالحلالي=ومتى ماتبي تعود لاتشاور غير نفسك
وعند مايهب الهبوب اليا برد طرق الشمالي=ماحلا زخ المزون اليا طمرت بالعشب دربك
وشق نور الشمس تالي غيمة(ن)فوق الجبالي=ودك ببرادشاي وتجلس المرياع جنبك
كن شوف نيوزلاندا مصور(ن)كله قبالي=-بالطعوس اللي جنوب من المراكز على خبرك
والله انه الف مره ابرك ولابه جدألي=من حياتن بالمصانع والتلوث وسط دمك
وبعض ناس يابو غربي حثلة عريب وتوالي=وهقوتي انك توافقني شرايك عطني كفك