دخيل خذ من والدك لك مساله

مسالةٍ ما يفهمه كل رجّال

احشم خويك عن دروب الرذاله

ترى الخوي عند الاجاويد له حال

والمرجلة بالك ترخي حباله

حذرا تعيل ولا ترخيم لمن عال

البل تفتل من وبرها عقاله

والخيل تزلج بالشبيلي والاقفال

ان كان ما تدعا على كل قاله

تراك من حسبه هدومٍ له ازوال

وان كان دلوك ما تموحه شماله

ترى النشاما ينسفونه على الجال

رفيقك الداني ليا شفت حاله

يحمل عليك من المعاليق ما شال

يا عل رجل شوفته دوب حاله

عسىاه تطلب عشقته فيه الابدال

الصبر محمود العواقب فعاله

ولا الحمق همٍ .. وغمٍ .. وغربال

الحمّرة تدرك معوشة عياله

والرجل يبغى منه بعضات الاحوال

الشاعر[b][/b] خلف بن زويدالشمري