ودي أشيك موتري وافحص الزيت=وأفحص هوا كل التواير على هون
وادق سلفه وازعج ألصوت غنيت=ياجعل ناس بداخلك مايموتون
ياالخفجي يالي لا أبعدتني توفيت=كيف الحياه وإن عشت دوم على لون
سيارتي تكفين يامركبي ليت=تسلم عيون ألي صنع منك طبلون
والقير والدفرنس والوجه والسيت=وحتى المكينه كوم واصطب واعيون

هون علي بدقة السلف ونيت=كل ألمكاين مع ونيني يصيحون
ولو هو طويل الدرب بالعون حنيت=ابكي زيوت وخرب الزيت سيفون
ياليتني أقلب على الخط وانيت=وامسك دروب الي خيالك يعزون
وليمن وصلنا الديره الهرن قحيت=حتى عيوني من سعدهن يكبسون
ومساحتين حجاج يضحك أليا جيت=وانفخ عليك من الهوا ثلج وامزون
والسيت كنك جالس داخل ألبيت=ومسجلن كله طرب دوم وفنون
وليمن قطعنا الدرب والرحله أنهيت=افحص علي وشيك ألزيت ماخون