قصيدة صدوف الليالي
العين مشغوفة على لذة النوم
والحال من لآفة على من طرقها
تطرد ورى سربت مضانين وحلوم
وتتبع هوى شيطانها في قلقها
أساير الأيام وأطيح وأقوم
وحالي من صدوف الليالي درقها
اضحك لوني بين الأصحاب مهموم
واكتم على أسراري من اللي حرقها
دنيا تغير يا عرب يوم عن يوم
حتى مناهج كتبها مع ورقها
أشوفها راحت خرفات وعلوم
والرابح اللي دنيته ما عشقها
احد (ن) رضى باللي مقدر ومقسوم
واحد (ن) يحسد الناس والله رزقها
لا تكثر الشكوى ولا تكثر اللوم
كل يوم وهقوتة مالحقها
صحيح بين الناس معطى ومحروم
والناس يعلم سرها اللي خلقها
الواحد اللي فارض الحج والصوم
بيدينه اجال البشر مع وفقها
كل على وصل الرجاء فيه ملزوم
ويراقبه في الكلمة اليا نطقها