[align=center]أحدى القصائد الفكاهيه اللي اعجبتني
وإن شاء الله تنال ع اعجباكم
^_^
تذكرين اول ماشفتك فـي محـلات ابـو زاهـي
من بعدها صرت اتابع خطوتـك صبـح وعشيـه
ماحـد(ن) بالسـوق ياكـل المـلا شـد انتباهـي
غيـرك انتـي لعنبوهـا نظـرت العيـن البريـه
تذكريني يـوم كنـت مراهـق وطايـش ولاهـي
تذكريـن يـوم اغنـي فـيـك يــاورده نـديـه
تذكرين العيد يـوم انـي انثـر كـلاص شاهـي
يوم شفتك صرت مثل الـي وطالـه فـوق حيـه
يومها شفتك ضحكتي وارتبكت وقمـت اضاهـي
صرت انا اضحك معك مدري واثرني اضحك عليه
تذكريني يـوم اجمـع كـل مصروفـي وأباهـي
كان همي وانشغالي بـس ابـي اشريلـك هديـه
تذكرينـي يـوم احبـك تامريـنـي بالنـواهـي
تذكريني كنـت قيسـك وانتـي ليلـى العامريـه
تذكرينـي يـوم اقبـل بيتكـم والعـذر واهــي
كنت امثل دور منهـو واقـف(ن) ينطـر خويـه
تذكرين الهوشه الـي صـارت بوسـط الملاهـي
كنت ابي اثبت لـك غـلاك وغيرتـي والمقدريـه
تذكريني يوم اهجـرك واعانـدك واقـول راهـي
كلهـا ساعـات وارجـع اشتكـي ماصـار فيـه
كـل ماشفتـك اقـوم مـن الغـلا اقـول كاهـي
احسب ان احد(ن) نشدني من تحب واقـول ذيـه
والله انـي ماهقيـت ان اخرتهـا فـي المقاهـي
اشرب الشيشه واقول من القهر راااااحـت عليـه
((يومه وغد يتميلح المليعين )) 
وســـــلامـــــتـــــكــــــم