مع أحترامي للمشرفين والأداريين والجميع
كيف ترفع ضغط المشرفين في المنتدى
1- أدخــل اي قسم واكتب أي موضــوع مالة دخــل في هالقسم
الموضوع في وادي والمنتدى في وادي ,,
مثال : اكتب موضوع رياضي في القسم الإســلامي,,
ويفضــل لو تكتـب عليه (( ارجــوا التثبيـت )) يكون لها طعم احسن ,,
----------------
- خـذ لك موضـوع توه جـديد من أي قسم
انسخـه واكتبـه بإسمك مره ثانيه في نفس القسم ،،
ويفضــل تكتب عليـه ( فكــره جديــده) هنا المشــرف يـدوخ.... مايدري وين المكـرر عشــان يحــذفه !
----------------
- لا تشارك في أي قسم ولا ترد على أحد .. وبعدين أطلب من الإدارة تحطك عضو فعال وكل يوم أرسل تظلّم ،، ) إذا ماعطوك وجه ؟؟ صدقني اذا ماقالوا لك اقلب وجهك ... اضمن لك بيرقونك إلى (عضـو غثــه )
----------------
- اكتب موضوع في قسم الشكـاوي والإقتراحــات (( الفزعــه ياشباب )) طبعـا بيجيك المشرف طاير ،، (الفاروق طبعا)
واكتب في الموضوع (( واحــد صفــر )) وجنبها صـوره واحــد يضحــك ,, ّ في هـذي اضمــن لك البــوز يجي على خشـتك وانت توك تكتب الموضوع
----------------
- شكّك في أي موضوع يـطرح في المنتدى .. في كل موضوع قل ( كأني شايفه في منتدى ثاني) خلي العالم تــفهم أنه مسروق
----------------
- ادخل على أي موضوع مثبت ... وأكتب عليه( للرفع ) ,, في هـذي احسن لك تطلع بشويش بكرامتك قبل ما يبهدلونك.
----------------
حاول ترد على المواضيع القديــــــمه طلع الغبار والجديده خلها تنزل . كذا تقلب القسم حقه فوق تحت
----------------
- شوف لك مشرف أو مشرفه وتلزق فيه.........كل يوم إرسله رسائل خاصه تقـول له ،، وش رايك في ذاك الموضــوع... احـس انه ماصــل احذفه تكفى ,, ولا ذاك الموضـوع رهيـب ثبته تكفى ,, هنا المشـرف يكره اليوم اللي خلـوه فيه مشــرف
----------------
- دقق في إملاءات المشرفين... ورد عليهم فقط لتصحيح الإملاء ولا تجيب طاري الموضوع,,,
----------------
- عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة ما عندها سالفة ,,
هــذي تغنيــك عن كل الوســائل اللي راحــت
----------------
وأخيرا اطلب من الجميع تنفيذ اللي في الموضوع بحذافيره .وسلامتكم