وين أنت رايح ياحبيبي على وين
الليل توه مابغينا .. نشوفك
لاتصد عنا مانبي منك عذرين
عذر الغياب وعذر باقي ظروفك
لو ما انت غالي من حساب
العـــــــــــزيـزين
ان كان خلينا الليالي تطوفك
لكن غلاك بداخل القلب والعين
القلب قلبك والمحبه ضيوفك
نفرح ليا شفناك ونميزك زين
نعرف حروفك مانضيع حروفك
انت الغلا كله ولا في غالين
مثلك يساوون الغلا من وصوفك
لكن تدلع واقسم القلب قسمين
بس بالنهايه خل نفسي تشوفك
العمر واحد ماطلبناك عمرين
اكشف غطا الدنيا وكسر بخوفك
راجع حسابات الغلا والعناوين
يمكن تعيد اللي نقص من صفوفك