عرف النشاما هوايتي في حياتي = وما نبني العرفه على شان مصلوح
لعيالي اكتب يااخواني وصاتي = من قبل أنا ما أودع الكل وأروح
رصيد ما عندي بروحي غناتي= وأجلي ورزقي ثابتات على اللوح
وودي برقعة مشلحي من عباتي = لكن بعض رقعها تتعب الروح
وأحيان أسهي بالسجود بصلاتي = من كثر ماالقلب من هم وجروح
وأحيان أفضل عن كلامي سكاتي = ان صار بالمجلس حزازه وذرنوح
النفع في دنياي ما هو بمماتي = ياللي بساعة لازمي صرت مشفوح
أمشي مع العالم وعيني مراتي = وحلفت عن مرافقة كل مريوح
والجار ما رفعة صوبه قناتي = وان كان اخطأ قلت يا جار مسموح
وجارات بيتي حسبتة من خواتي = والشاهد اللي بقدرته ينفخ الروح
هذي هواتي ثم هذي صفاتي = ومع النشانا لي سجلات وصروح