أحدى القصائد ..الرووعه
وأعجبتني إلأ قمة آلروعه
وإن شاء الله تعجبكم مثل مآهجبتن

.. أترككم مع القصـيده


..قصـيدة الإطــلال..



يامبعدٍ عني ولاني براجيك
دونك غراب البين رف الجناحي

تبعد وقلبي بأبتعادك يناديك
وإن زدت خطوة زاد قلبي جراحي

عشر وثمان سنين والقلب يغليك
لليوم هذا ماهنا وإستراحي

أغليك وأغلي ناسك اللي حواليك
وأغلي على شانك ديار ونواحي

وأروح للبيت الذي كان يأويك
وألقاه مظلم وأكثر الرسم ماحي

مهجور تلعب بالهبوب الشبابيك
لو هو بشر من حر فرقاك طاحي

أنا أدري أنه خالياً منك يبكيك
مار جبرتني ذكرياتي إلحاحي

وأقول له يا دار تبت مبانيك
حلو الحلايا وين وجه وراحي

ماجابني وأوجست ريبه وتشكيك
وأقفيت تلعب بي هبوب الرياحي

رجعت للإطلال من شأن ماضيك
أخاطب الجدران ماني بصاحي

اللي خذا عقلي رموشك وعينيك
الله عطاك رموش مثل الرماحي

بعيون مفتونك ولا أحدٍ يحاليك
ياسيد كل الغانيات الملاحي

الثلج والجمر الحمر بين أشافيك
ذباح للعشاق سمٍ ذحاحي

لون العرق وقت الخجل فوق خديك
مثل الندى بالورد وقت الصباحي

سحرك تعدى كل ساحر يجاريك
سحره محرم وأنت سحرك مباحي

ماحب ليلى قيس لو سمع طاريك
وإن صرت مثله ماعليه جناحي

لعبت بي لعبٍ يسرك ويرضيك
لعب الأصابع في عقود السباحي

ياليت لو ساعه من العمر ناسيك
أنساك لو الله كتب لي نجاحي



لـشااعر : عبدالله محمد الشمري

صح لسان قايلهـ..

ويعطيك الف عافيه على القصيده وتسلم يمناك على النقل

ياليت لو ساعه من العمر ناسيك
أنساك لو الله كتب لي نجاحي

العديمي
مشكور اخوي ع النقل وصح لسان
شاعرها المبدع
تقبل مروري وردي