راكان بن حثلين
يا ما حلا الفنجال مـع سيحـة البـال...في مجلسن مـا فيـه نفسـه ثقيلـه
هـذا ولـد عـم وهـذا ولـد خــال....وهـذا رفيـق مـا لقيـنـا مثيـلـه
صقر النصافي
ماني بمن يطـرد سـرابٍ بمضمـاه......شاف السراب ويحسـب أنه غديـري
* - * - * - *
صقر النصافي
لواهنـي اللـي ليـا ضـاق له يـوم....اليـوم الآخـر خاطـره ما يضيقـي
ما هو بمثلـي ضيقتـه دايـم الـدوم.....أبي المليق شـوي وأزريـت اليقـي
تركي بن حميد
من ياخـذ الدنيـا برايـه بلا قيـس.....مثل الذي في جـوف بحـر يعومـي
* - * - * - *
بداح العنجري
ياغصن موزٍ ميلـه نسمـة الريـح.....يا أبـو نهيـدٍ تقـل فنجـال صينـا
بديوي الوقداني
قـومٍ إلى جيتـهم رفـت شواربـها.......بالضحك واقلوبها فيها الردى كالـي
وقومٍ إلى جيتـهم صكـت حواجبـها.....وأبدت لي البغض في مقفاي واقبالـي
بركات الشريف
أدّب ولـدك إن كان تبغيـه يشفيـك....واستسعفـه من بعـد مربـاه بـالآك
* - * - * - *
محمد السديري
يابجـاد شـب النـار وادن الدلالـي....واحمس لنا يابجاد ما يقعـد الـراس
ودقـه بنجـرٍ يـاظريـف العيالـي.....يجذب لنا ربعٍ على اكـوار جـلاس* - * - * - *
أبو دباس
يا الله يا اللي رد من عقـب مايـاس...يوسف على يعقوب وابصـر نظيـره
ترد علي دبـاس يا محصـي النـاس....يـا عالـم مـا بالخفـا والسـريـره
شليويح العطاوي
يـا ناشـدٍ عنـي ترانـي شليويـح......نفسي على قطع الخرايـم عزومـي
لا قلّـت الوزنـة وربعـي مشافيـح....أخلّـي الوزنـة لربعـي وأشومـي
نوره الهوشان
اللي يبينــا عيّـت النفــس تبغيـه.....واللي نبـي عيّـا البخـت لا يجيبـه
نمر بن عدوان
البـارحـة يـوم الخـلايـق نيـاما....بيّحـت من كثر البكـا كل مكنـون
لـي ونّـهٍ مـن سمعـها ما ينـاما....ونّة صويبٍ بين الأطـلاع مطعـون
محسن الهزاني
من ناظري دمعي على الخد مسكـوب...ومن الحوادث شاب راسي وأنا شـاب
لا لـذ لـي زادٍ ولا حلـو مشـروب....ولا لموق العين طيـب الكرى طـاب
* - * - * - *
فهد بورسلي
حل الفـراق وخافـي السـد باحـي.....حاولت أصبر والصبر عـذّب الـروح
حالـي تـردى ومتكسـر جنـاحـي......حزين من كثـر الهواجيـس والنـوح
* - * - * - *
عبدالله بن سبيل
وسـدك فلا تعطيـه عـمٍ ولا خـال......كـم واحـدٍ بالهـرج يبحـث كنينـه
* - * - * - *
شالح بن هدلان
ما ذكـر به حيٍ بكـى حي يا ذيـب....واليـوم أنـا ببكيـك لو كنـت حيـا
* - * - * - *
شالح بن هدلان
ياذيب انا بوصيـك لا تأكـل الذيـب....كم ليلـةٍ عشّـاك عقـب المجاعـة
كم ليلة عشـاك حـرش العراقيـب....وكم شيـخ قـوم كزته لك ذراعـه
سليمان بن شريم
هبـي بريحـه يا هبـوب الشمالـي.....كود الجنوب ومطلع الشمس ينصـاه
يـامـا ويـامـا فرقتنـا الليـالـي........وعزي لمن يصفـق شمالـه بيمنـاه
زيد الحرب
ما تنفع الدنيـا بلا شـوف الأعيـان....وعـزي لمن مثلي عيـونه عصاتـه
راشد الخلاوي
نــعـــــد الليـالـي والليـالـي تـعـدنـا........العمـر يفنـا والليـالـي بـزايـد
قولـوا لبيت الفقـر لا يامـن الغنـا.....وبيت الغنـا لا يامـن الفقـر عايـد
الدقيس
من لا يستشيـرك لا تباديـه بالشـور.....ومن لا يـودك سعـد عينـك فراقـه
سعود بن بندر
منـهو حبيبـك غايتـي بس أهنيـه......على حسـن حظـه عشانـك حبيبـه
أنـا أشهـد إن الله يحبـه ومعطيـه.....اللي هـداك الـرب تصبـح نصيبـه
* - * - * - *
محمد بن لعبون
عـلامـه مـا ينابينـي عـلامـه.......ويخفـي مـا بقلبـه من غرامـه
ويخلـف سنـة العشــاق فيـها.....ومثلـه مـا يغابـي فـي كلامـه