حط ضيقك تحت رجلك وأدعسه @@ لاتشيل الهم وبصدري زفير

هالزمن ياصاحبي به مدرسه @@ ماتميز من صغير ومن كبير

وخذ نصايح صاحبك عل وعسى @@ تنفعك لا صرت في وضع(ن) محير

صاحبك يا صاحبي حيل أدرسه @@ وعن خويك أتعب أتعب وأستشير

والنسا ياويل قلبك من نسااا @@ ماتصون أسرار قلبك يالعشير

وعن طموحك لاتحاول تيأسه @@ كون الأول وأجنب الصف الأخير

واجنب اهل الخربطه والدنفسه @@ عيش عمرك حي صاين للضمير

واذكر الله في صباحك والمسا @@ رطب لسانك بذكره يالامير

وان كبر همك وفي صدرك رسى @@ جاك قولي وأسمع البيت الاخير

حط ضيقك تحت ضلعي وأدعسه @@ ماتشيل الهم وبصدري زفير