ياعصابة راسي وياراس مالي= اشهد انك راعي الهدلا الوليده
تاخذ الطولات من عين الليالي = والحفيد اليا استلم سلم حفيده
هاك حرفي جاك يوم الحبر سالي= بالورق سطر لك تسطر قصيده
ولن وصوفك عجزن مكمن خيالي= كل وصفٍ صارف اوصافٍ عديده
بالمراجل في عروقك ضغط عالي=من وريده ايتدفق ال وريده
والمعالي تشرف بشروا المعالي=وانت عالي منزل وعالي صعيده
حرٍ اليامن طلع شرف الطوالي=بارتفاع المنحدر شهب الوقيده
اليدين طوال والمرقب شمالي= وان عوا سرحان في ضلع العميده
جاك سيلٍ منههلل هل الهمالي= يدحم حشود الزمن والدرب سيده
كفوه الفنجال من صفر الدلالي= منذرالموعود وموفي بوعيده
مايرود الا على العد الزلالي= دونه الموت الحمر لو مايريده
لاصهلة خيال القوافي بالنزالي= واصطفق راس الحديده بالحديده
خيلنا تثبت مثل وثب الجبالي= لين مانلحق على الحشد ونبيده

اخوي منوخ اسعدني تواجدك اشكرك ياطويل العمر كما اتمنى اان ارى قصائدك المميزه كما هو معتاد لدى شاعر قادر ومبدع مثل منوخ العمودي راعي العصلا

خيال القضاه عساك ع القوه اشكرك ياغالي على مرورك الجميل