ابتدي باسم الله اكبر قبل لايبدا نقاش= وانا خابر لي حروفٍ عمر ابوهن ماهلشن
وجتك مني كم قصيده قلت زينه بس ماش= ليش نقدك ماوصلني كاملٍ يابودشن
وكان للبرسيم حصه بالغنم لا حاش حاش=انا قافي لانخيت الي بهن عوقه مشن
اضرب بقافي على اللي مبسمه فتحة كراش= داج العينين مبطي بالرجاجيل ابطشن
ومهو عيبٍ كان عيب شايفٍ ذبح الكباش=نذبح القعدان لجلك في دماهن يرطشن
وكان ماعندك خبر خذ الخبر كله بلاش=مايلحن الا قافٍ بالاغاني يقرقشن
بالمراقص والملاهي ماكلن غير المعاش= والا في جلست تخكرن كالبنات يشكشكن
وفي معاني دون روح اطربنا بانتعاش= مابهن بدعٍ ولاكن من صداهن يطرشن
والا في بعض الاغاني لحن والمعنى هباش=بس فيه من البنات اللي قليبك يخرشن
انا أخذ بالمعاني واجدع اللي فيه لاش=تنولد فيني القصيده تنضم فل الشحن
ماني من قضى حياته مخمرٍ فوق الفراش= متى حظه والمشاعر يابساتٍ واطفشن
انا من دينه يرده دفعةٍ وحده وكاش=لونزل من موتره حط الخبر فوق الكشن
والقصايد مهي واحد والحزن بالويل ناش=وانا لولحنت حزني في حروفي يشرهن
وكان شايف هالقصيده كنها طاش---ماطاش= دون ماتنقد عليها في حروفن يبلشن
يفتشن اللي بقلبه من عمى عينه غشاش=يهبشن وينبشن ويربشن ويدوشن
لانخيت اللي عروقه ماليه بالدم طاش= يكسرن مفصل عضام الناقدين ويعرشن
ليت تقنعني بنقد يارجل واقول عاش = بدل ماترسل حروفك في ضميري يدفشن