قصيده ورد لابن عبار جميله...
قال الشاعر رجاء بن سويلم بن شداد البجيدي هذه القصيدة يسند على زميله عبدالله بن دهيمش بن عبار : يا الـلـه يا جـالـي ظـلام الـغـداري ~ يا رب تحمينـا من الـبغي والشرك يا الآدمي تمـضي سنين العماري ~ تمشي بأثر ناس وناس على أثرك لابـد ما تـرحـل رحـيـلـك اجبـاري ~ بالواسطة والمـال ما أحـدٍ يـدبّـرك ولابـد مـا تسفي عـلـيـك الـذواري ~ ويدعي لك اللي من دناياك يقبرك آخـر مصيـرك للفـنـاء والـدمـاري ~ تـسعـى وصـيّـاد المـنـيـه يـداورك ولابـد مـن بعـد الطلوع أنحـداري ~ مـابـه طريـق غيـر دربـك يحـّدرك من عاش بالدنيا يشوف الغيـاري ~ ناس تناضر زين زولك ومضهرك شعبـانهـا تمشي بعكس المجـاري ~ تـحتـار مـنـهـا والتـقـلـّب يـحيـرك صار الرخـم يشره لصيد الحبـاري ~ والثعلبي يـا غـار على الغنم درك عصرٍ بـه الثعـلب يضد الضـواري ~ يلعـب بقطعـان الغـنم ما ينـاضرك يـقـول لـلسـرحـان ذيـب المساري ~ دورك مضى يا ذيب لزوم أوخرك وأشوف صافي الجو يقلب غباري ~ حتى الختوش تحاول اليوم تقهرك ودنياك لأهل المال وأهل العقاري ~ وأن قل مالك حتى الأنـذال تحقـرك اليـا فـضت مخبـاك مالـك وقـاري ~ المـال خـلا عفون الأنـذال تـامـرك من كثـر مـالـه بالـدراهـم يـمـاري ~ يصـد عنـك وصابره يفـركـه فـرك الـلي بـسوق المـال بايـع وشاري ~ كـثـرت فلوسه وأرتـفع مـا يقـدرك وأبعد عن أهـل البلبله والمـزاري ~ الـلي لجاجتهم عـن النوم تسهـرك واللاش خـلـه لا يجي لـك مبـاري ~ ولا تعاشره لـو كان وده يعـاشرك سـوالـفـه أحـلام لـيـل وهــــذاري ~ تجنبه مالـه سوى الخصر والترك وأستثـني الـلي ياصلون المحاري ~ اللي مثل بليهان لحمله برك بـرك مثـل الجبـال العـالـيـه بـه مـذاري ~ زبن الضعيف اللي على عاتقه درك ينفـق ويبذل سـر وأيضاً جهـاري ~ لاجيت ناصي ما خصرك وتعـذرك هـذاك بـوجـهـه للـمـروه شواري ~ الـلـه يـستـر مـن تجـمّـل ويستـرك وأرسـل لأبـن عـبـار ليـه يجـاري ~ قـرايضه مثـل الـذهـب ما يخسرك من مصنع القيفان ما هـو تجاري ~ اليـا طـمـك أمـواج تـلاطـم يعبّـرك سيف عنزة لا سن وقت الطواري ~ يحشر جنون الأنس من قبل تحشرك وأنا يابو مشعل على الحظ أداري ~ عسى السعادة طول الأيام تغـمرك قال عبدالله بن دهيمش بن عبار هذه القصيدة رداً على الشاعر رجاء ابن سويلم البجيدي : خـط لـفـانـي زاد فـيـه أفـتـخــاري ~ جاني جوابك يابو نواف وأشكرك حيثك يا أبـو نـواف كاتـب وقـاري ~ والكـل يالمنعـور بالخـيـر يذكـرك من ساس لابه يـوم قص الأثـاري ~ خيالهـم لـو كنت بالأسـر يضهـرك عـزوة هـل البلها اليا صار جـاري ~ تدحـر عـدوك بالمعامع وتـنصرك والمرجله ما هي بغلـض العتـاري ~ تدريبها من دون أعلمك وأخبـرك مـن شام للعلـيا يـدوس الخطـاري ~ وأن طاب علمك بالمخاليق يشهـرك هـرجك وكـاد وشفت كل المواري ~ وحيرني الـلي يا أبن شداد حيـرك كما ذكـرت اليـوم عصر المصاري ~ الـعـز بـالـدولار والمـجـد بالمـرك هـذي حقيقه وأنـت بالوضع داري ~ لاشك من رامك على المال ينفرك الثعـلـبي لـو نـال منـصـب وزاري ~ كان أنت صاحبته نكربك ودهورك ابعد عن المذموم غادي القطـاري ~ ترى الرزيل بصبغت العيب يمغرك بعدك عن أهـل البلبلـه والهـذاري ~ يبعـدك عن كل المشاكل ويضهرك والله مالومك لـو تجـوب البـراري ~ تبعد عن اللي من العرب ما يوقرك تـنـزل بـوادي ما تشوف الكبـاري ~ ولا تسمع أصوات تلجك وتسدرك ما تستمع تفحيـط جيـب السفـاري ~ لا فـر دولابـه مـع القـار له صرك تسعى بسماهـيـد الديـار القـفـاري ~ وعشب الربيع اليـا تلفـت يبهـرك مـابـيـن غـدران الـفـلا والخبـاري ~ تبحث عن اللي بالخمايل يصورك عنـدك جليس لطيّب السلم ضاري ~ مثل أبو يوسف بالسوالف يخاشرك صادق صدوق وبالعلوم استشاري ~ أن حرت شاورته وأن أحتار شاورك تشرح لـه ظروفك وما كان جاري ~ موثوق تبـدي لـه خفـايا سرايـرك أمـا قـصص ولا حـديـث البخـاري ~ لـه ينشرح صدرك وينسر خاطـرك نطلب من المولى اصلاح الذراري ~ ياعـل ربـي يا أبـو نـواف ياجـرك اليوم أشوف البـاز هـاب الكداري ~ يلبد مع فروخ الدجاجه ولـه كـرك والنمـر يجفـل من نبيح الجعـاري ~ وجرو الثعل هو الفهد بينهم عرك تعادلت حصن الـرمـك والشهاري ~ أنظر وعاين وش مع أيمنك وأيسرك أنظر على الشاشه تشوف العواري ~ الغـرب وده بالعـماهـيـج يسحـرك سلم الكفر سموه مضهر حضاري ~ وهـذا الـذي جسّر علينـا الدنمـرك والسيف اللي ثـلمّ شطير الشباري ~ تـراه ما غـمد هاك السيف أبشرك مـا ظنـي السكتون مثـل السواري ~ ولا لاعب الكوره مثل لاعب السرك اتمنى انها اعجبتكم: |
رد: قصيده ورد لابن عبار جميله...
الأخ محمد غازي صح لسان الشاعرين وهم غنيين عن التعريف وأكيد أبياتهم ،تأتي جزلة شاكرلك حسن إختيارك وتقبل تحياتي وتقديري |
رد: قصيده ورد لابن عبار جميله...
محمد غازي.. شاكره لك كل الشكر لروعة طرحك قصيده رااائعه وجميله صح السان الشاعرين ويعطيك ربي الف عافيه على النقل لك ودي واحترامي.. |
رد: قصيده ورد لابن عبار جميله...
الاخ متواضع
شاكر مرورك ومنور |
رد: قصيده ورد لابن عبار جميله...
الاخت سحر الغرام
شاكر مرورك وردك الرائع |
رد: قصيده ورد لابن عبار جميله...
محمد غازي شاكر لك هذا النقل وهذا الأختيار الرائع والشاعرين من الشعراء المخضرمين لك تحيتي وتقديري |
رد: قصيده ورد لابن عبار جميله...
بدر الشمال
شاكر لك مرورك وردك الرائع دمت بالف خير تقبل تحياتي |
رد: قصيده ورد لابن عبار جميله...
كل الشكر تقبل مرورى |
رد: قصيده ورد لابن عبار جميله...
حرورف
شكرا لمروك الطيب |
الساعة الآن 02:59 PM. |